Mathiơ 25:8 - Sơ̆p Hlabơar Nơ̆r 'Bok Kei-Dei

⁸ Pơđăm 'nu adruh mă ưh kơchăng noh apinh pơđăm 'nu adruh mă kơchăng khan: ‘Asong nhôn đak trôl iĕm bĕ, yua kơ kơđeng nhôn wă păt, đak trôl đĭ boih.’

Mathiơ 25:8 交叉參考

Jop 18:5

Tơpă kơđeng hơdah lu bơngai pơm kơnê̆ gô păt, pla ŭnh sư ưh pă khơ̆ng hơdah bơih.

Jop 21:17

Hơdôm wơ̆t ŭnh kơđeng bơngai pơm kơnê̆ păt? Hơdôm wơ̆t tơdrong pơmat truh tuh tơ lu sư, Kră Yang 'Bok Kei-Dei hil phak lu sư?

Horiso 49:7

Ưh kơ đei bu gơh huai iŏk 'nhŏng oh lu sư kơdih.f Kŭm ưh kơ đei bu kĕ ăn kơ Kră Yang 'Bok Kei-Dei tơmam wă huai iŏk.

Tơdrông Pơđơk 13:9

Ŭnh kơđeng lu bơngai tơpăt pơchrang hơdah; Gah ŭnh kơđeng lu bơngai kơnê̆ păt đĭ.

Tơdrông Pơđơk 20:20

Lu bơngai hiap mĕ 'bă, Ŭnh kơđeng sư gô păt hơngăm lăm măng mu.

Mathiơ 25:1

“Kơplah năr ei kơnh lu bơngai mă khan 'Bok Kei-Dei pơgơ̆r lu sư ră, mă-lei lu sư thoi lĕ kơ mơjĭt 'nu adruh âu, rim 'nu kơ lu sư chĕp ŭnh kơđeng ngăl wă năm ngôi hơpong kơ bơngai 'nao iŏk akăn. Lu sư chang gô bơngai mă 'nao iŏk akăn ei wă truh.

Mathiơ 25:7

Na mơjĭt 'nu adruh noh iung đơ̆ng tep hơmet ŭnh kơđeng lu sư.

Mathiơ 25:9

Na lu bôl sư mă kơchăng ei khan: ‘Ưh ôh, dah nhôn asong iĕm, hli kơ nhôn ưh kơ mah păng iĕm kư̆m ưh kơ mah mơ̆n. Iĕm athei năm răt kơdih tơ anih đe mơdro.’

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Luka 12:35

“Iĕm athei kơchăng ling-lang thoi lĕ bơngai oei chang gô đe truh kơmăng. Sư đĭ hrŭk hơmet hơbĕn ao boih. Ŭnh kơđeng sư oei khơ̆ng.

Luka 16:24

Na 'bok mơdrŏng ei krao pơret Abraham thoi âu: ‘Ơ Abraham, apinh ih mơnat kơ inh 'biơ̆, ih wơh Lasarơ năm djrŭ ti sư tơ đak năm kơtoh kơ 'bơ̆r inh 'biơ̆ bĕ wă klaih rơhing 'biơ̆, yua kơ inh oei lăm dơnâu ŭnh tŏ hang dêh.’

Luka 8:18

“Thoi noh na iĕm athei mơ̆ng Inh mă nhên. Bơngai bu hlôh, 'Bok Kei-Dei gô pơthim kơ sư hlôh hloh kơ noh dơ̆ng tơpă. Bơngai bu ưh kơ wă mơ̆ng, bơngai 'noh sư tơchĕng sư hlôh ră, mă-lei sư gô hiong dôm tơdrong sư hlôh.”

Jang 8:24

Na Simôn khan kơ bre sư thoi âu: “Apinh biĕm krao khan kơ 'Bok Kei-Dei tơgŭm inh; apinh Sư mơnat kơ inh 'nĕ ăn kơ inh hiong lăm dơnâu ŭnh thoi ih khan hei.”

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.