Mathiơ 25:24 - Sơ̆p Hlabơar Nơ̆r 'Bok Kei-Dei

²⁴ “Bơngai mă iŏk minh hlak jên yŏng sư noh, kư̆m hơdai năm khan mơ̆n, sư khan: ‘Ơ 'bok, inh băt kơ ih bơngai wă pơgŏ nhôn, na ih athei nhôn năm mơdro ăn kơ ih, wă kơ ih iŏk đĕch thoi đe pơtăm 'ba, ih gô wă kĕch iŏk kơdih.

Mathiơ 25:24 交叉參考

Êsai 58:3

Lu sư Jet: “Yua kơ kiơ lu nhôn ơ̆t kơ sŏng sa mă-lei Ih ưh kơ 'bôh? Lu nhôn tơjur akâu mă-lei Ih ưh kơ băt?” 'Nâu, lăm năr lu iĕm ơ̆t kơ sŏng sa, lu iĕm ling-lang chă tơdrong lu iĕm wă kơdih. Sa pơgâm lu bơngai jang kơ iĕm.

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Mathiơ 18:24

Sư jet lu bơngai mă hre đom kơ sư noh, na đe năm ba kơ sư minh 'nu bơngai hre kơ sư mơjĭt-rơbâu jên hu.

Mathiơ 20:12

‘Lơliơ ih apah lu đe noh jang đơ̆ng rŏng nhôn mơ'nah lăp minh jơ đĕch mă hơnơ̆ng kơ nhôn jang lap tŏ prăt năr?’

Mathiơ 25:25

Yua kơ thoi noh na inh sir 'bŭ jên noh tơ sơlŭng, inh hli kơ hiong kơ inh mơdro sa. Na dang ei he âu iŏk pơdrĕo kơdih bĕ jên ih sơ̆.’

Mathiơ 25:26

Na yŏng sư khan: ‘Ơ dăm, ih bơngai kơchu păng alah tăm, ih jô̆ kơ inh iŏk jên iĕm mơdro sa thoi bơngai kĕch iŏk 'ba đêl đe pơtăm hă?

Mathiơ 7:21

“Ưh kơ sĭ dôm lu bơngai mă krao Inh Kră Yang gơh mơ̆t tơ dêh char 'Bok Kei-Dei pơđĭ ôh. Pôm lu bơngai mă lui kiơ̆ kơ 'Bă Inh đĕch gơh mơ̆t tơ dêh char Sư noh.

Luka 15:29

mă-lei sư khan kơ 'bă sư: ‘Inh oei hơdai ih đunh boih, inh jang kơ ih păng ưh kơ pơjăng dôm nơ̆r ih athei inh ră. Mă-lei ih 'nhŏ mă đei ăn kơ inh minh pôm kon bơbe wă 'bet sa hơdai hăm lu buăl inh.

Luka 19:13

Hơdrol kơ sư wă năm, sư krao mơjĭt 'nu bơngai jang kơ sư. Sư pơjao ăn rim 'nu kơ lu bơngai jang kơ sư minh hlak jên hu so sơ̆. Sư pơkă athei chă blơ̆ sa kơdih kơdih truh tơ năr sư wih dơ̆ng. Lăp sư pơjao ăn kơ lu đe noh đang boih na sư năm.

Luka 6:46

“Yua kơ kiơ iĕm krao Inh Yŏng iĕm, mă-lei iĕm kuă kơ pơm kiơ̆ kơ đon Inh bơtho?

Rom 8:7

Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Rom 9:20

Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”