Mathiơ 24:45 - Sơ̆p Hlabơar Nơ̆r 'Bok Kei-Dei

⁴⁵ “Bơngai đĭch, sư athei jang tơnăp kiơ̆ thoi yŏng sư pơkă, na yŏng sư lăp đon pơjao ăn kơ sư pơm kai wei-lăng lu buăl sư dơ̆ng na mưh trŏ kơ jơ sŏng sa sư chă asong kơ lu bôl sư tơmam sa.

Mathiơ 24:45 交叉參考

Le 36:4

Thoi noh lu bơngai hơgei gơh pơm tôm tơdrong jang lăm anih noh, lu sư pơdơh 'bơ̆t anih lu sư oei jang.

Tơdrông Pơđơk 14:35

Pơtao bơnê kơ đĭch đam tơpăt băt đon hlôh wao. Mă-lei đei hil mĭl kơ đĭch đam mă pơm kơ đe mơlâu.

Tơdrông Pơđơk 28:20

Bơngai tơpăt gô đei pŭn hiôk lơ; Bơngai bu hăt chă mơdrŏng pă jor gô phak pơmat.

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Êsêkiên 46:24

Sư khan kơ inh: Âu boih hnam gŏ, anih lu bơngai bơ̆jang awih awăn lăm hnam akŭm pai hơtŭk lu tơmam soi đơ̆ng kon pơlei pơyơ̆r.”

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Mathiơ 24:46

Lăp yŏng lu sư wih 'bôh bơngai kai mă đêl sư pơjao athei wei-lăng lu đĭch đam sư noh jang kiơ̆ kơ nơ̆r pơkă na sư bơnê, thoi noh na bơngai kai jơhngơ̆m sư hiôk tơpă.

Mathiơ 25:2

Lăm lu sư noh đei pơđăm 'nu adruh đĕch kơchăng, pơđăm 'nu adruh ưh.

Mathiơ 25:21

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Mathiơ 25:23

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Mathiơ 7:24

“Bơngai bu mơ̆ng nơ̆r Inh bơtho, na kiơ̆ hloi, bơngai 'noh dang bơngai hơgei pơm hnam kơpal tơmo kŭk.

Luka 19:17

Na yŏng sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm mơjĭt tŏ pơlei.’

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.

II Tim 2:2

Ih athei iŏk dôm nơ̆r ih mơ̆ng inh bơtho ih 'bơ̆t anăp đe tơpôl sơ̆, na ih bơtho dơ̆ng kơ lu bơngai mă lui kơjăp, na lu sư gô bơtho dơ̆ng kơ lu đe nai.

Hêbrơ 3:5

Môis sư pơm đĭch đam 'Bok Kei-Dei jang tơgŭm kơ đĭ-đăng hnam dơnŏ 'Bok Kei-Dei sơ̆. Sư jang tơnen dêh, sư jang kiơ̆ kơ 'Bok Kei-Dei pơkă hloi. Sư 'bok khan lê̆ hơdrol bơtho tơbăt kơ kon bơngai gah tơdrong ning-mônh.

Tơdrông Tơ'bôh 2:13

‘Inh băt mơ̆n tơ pơlei iĕm noh đei yang Satan pơgơ̆r pơm pơtao. Mă-lei iĕm oei lui kơ Inh khŏm khŏm ưh kơ đei sơngah khan ưh kơ lui kơ Inh ôh. Na sơ̆ đe pơlôch buăl iĕm Antipa tơ pơlei iĕm, pơlei mă Satan pơgơ̆r. Antipa sư bơngai ră roi kơ đe tơdrong Inh tơpăt ling-lang ưh kơ layơ achăng lê̆ Inh. Na kơplah đe mă pơlôch sư sơ̆, iĕm kư̆m ưh kơ sơngah kơ Inh.

Ru 2:6

Bơngai mă yuă 'ba tơl sư khan: Bơngai adruh noh sư bơngai Môap, mă wih kiơ̆ Naômi tơ âu.