Mathiơ 24:35 - Sơ̆p Hlabơar Nơ̆r 'Bok Kei-Dei

³⁵ Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Mathiơ 24:35 交叉參考

Horiso 102:26

Lu plĕnh teh gô hiong răm mă-lei Ih oei oei ling-lang; Plĕnh teh gô so thoi ao tai; Ih gô tơplih plĕnh teh thoi tơplih ao păng lu sư jing hŭt lê̆.

Horiso 119:89

Ơ Kră Yang, nơ̆r Ih oei kơjăp ling-lang tơ kơpal plĕnh;

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Horiso 89:34

Inh kư̆m ưh kơ layơ pơm yoch kơ nơ̆r Inh pơgơ̆p. Kŭm ưh kơ đei tơplih nơ̆r mă lĕch đơ̆ng 'bơ̆r Inh đei pơma.

Tơdrông Pơđơk 30:5

Dôm Nơ̆r Kră Yang 'Bok Kei-Dei đe đei rơ̆ pơlong lăng rơgoh sĭt tơpă. Kră Yang 'Bok Kei-Dei jơ̆ khêl pĕng lu bơngai mă Kơ'nơp lăm Sư.

Êsai 34:4

Đĭ-đăng lu măt khei sơnglŏng kơpal plĕnh gô hach lek, plĕnh gô tơlôm nhen đe lôm sơnôm hla bơar. Đĭ-đăng lu măt khei sơnglŏng sư gô hiong đĭ, nhen thoi hla hơmu hơlŭng, nhen thoi plei hơra hơlŭng huŏng đơ̆ng tơm sư.

Êsai 40:8

'Nhĕt kro, pơkao hơlŭng: Mă-lei nơ̆r Kră Yang 'Bok Kei-Dei lu bơ̆n oei kơjăp ling-lang!”

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Êsai 54:10

Mă đơ̆ng kông hiŏng tơ nai, mă đơ̆ng groi rĭ tơplih, mă-lei jơhngơ̆m đon Inh 'mêm mơnat hăm iĕm ưh kơ đei tơplih. Nơ̆r pơgơ̆p hiôk-hian Inh ưh kơ đei tơplih Kră Yang, jơ̆ Tơ'ngla 'mêm mơnat kơ iĕm pơma thoi noh.

Êsai 55:11

Na kư̆m lei-lăi thoi noh, nơ̆r Inh pơma, lĕch đơ̆ng 'bơ̆r inh bơih, ưh kơ đei tôch đĕch ôh; sĭt gô pơm tơdrong Inh wă. Păng pơkeh tơdrong jang Inh wơh sư.

Da 4:28

Đĭ-đăng tơdrong noh tă truh kơ pơtao Nebukatnessar ngăl.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Mathiơ 5:18

Inh khan kơ iĕm tơpă, tơdrong juăt Môis oei oei ling-lang mă truh năr tôch ning-mônh ưh kơ đei hiong minh apăk dah minh nơ̆r ôh.

Markôs 13:31

Plĕnh teh gô hiong đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Luka 21:33

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

I Pet 1:25

mă-lei gah nơ̆r 'Bok Kei-Dei ưh kơ layơ hiong tôch ôh.” Nơ̆r noh boih tơdrong 'nao 'lơ̆ng mă đe bơtho ăn kơ iĕm.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 3:14

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu:

Tơdrông Tơ'bôh 6:14

Klaih kơ noh inh 'bôh plĕnh tơlôm jing ưh pă 'bôh plĕnh dơ̆ng; lu thŭng thong, kông groi, bŏl đak tih iĕ kư̆m jing ưh pă 'bôh băt tơ yơ.