Mathiơ 24:15 - Sơ̆p Hlabơar Nơ̆r 'Bok Kei-Dei

¹⁵ “Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Mathiơ 24:15 交叉參考

Je 44:29

Kră Yang khan: “'Nâu boih tơdra Inh wă phak iĕm lăm anih 'nâu, wă kơ lu iĕm băt Inh sĭt tơpă gô ăn tơdrong răm truh tơ lu iĕm.”

Êsêkiên 40:4

Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Da 1:6

Lăm lu buăl noh đei Đaniel, Hanania, Mêsael păng Asaria adrĕch adrung bơngai Juđa.

Da 11:31

Lu linh mă sư lăp đon, gô iung pơm 'mê̆-'mach kơ anih kơđông rơgoh, iŏk lê̆ tơmam soi 'buh mă juăt kơ pơyơ̆r păng pơm tơdrong kơnê̆, pơm kơ anih noh jing juơ.

Da 12:11

Đơ̆ng chăl mă lê̆ boih dôm tơdrong soi, tơmam soi 'buh mă juăt kơ pơyơ̆r păng tơdrong kơnê̆ 'mê̆ brư̆ jing juơ juŏ gô pơjing ming plơ̆ng dơ̆ng, gô đei minh-rơbâu 'bar-hrĕng tơsĭn-jĭt năr.

Da 9:23

Đơ̆ng kơplah ih pơtơm 'nao krao apinh; păng inh truh tơ âu inh wă tơbăt kơ ih tơdrong noh; yua kơ ih bơngai mă 'Bok Kei-Dei 'mêm mơnat dêh. Thoi ei tơchĕng bĕ kơ tơdrong noh păng athei băt hlôh kơ tơdrong tơ'bôh.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Mathiơ 24:16

Lu iĕm bơngai mă oei tơ dêh Juđê 'bôh lu bơngai kơnê̆ wă chă pơlôch pơrăm đe truh, iĕm athei jăk tơ kông ataih đơ̆ng lu sư hloi.

Markôs 13:14

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Na bu đŏk lăng hla bơar âu đon sư athei pơwao kơdih. Lu iĕm bơngai mă oei tơ dêh Juđê 'bôh thoi noh iĕm athei jăk tơ kông ataih đơ̆ng lu sư hloi.

Luka 19:43

“Ning-mônh lu bơngai ayăt kơ iĕm gô wang tăp dăr kơ pơlei iĕm. Lu sư gô pơgăn trong iĕm păng ưh kơ ăn iĕm jăk achăng pơlei iĕm ôh.

Luka 21:20

Yêsu oei bơtho lu sư thoi âu: “Lăp iĕm 'bôh linh lơ tơpă oei tăp dăr kơ Pơlei Jêrusalem, lei iĕm băt kơ lu sư wă jê̆ mơ̆t blah lăm pơlei iĕm pơchah pơchek đĭ.

Yo 11:48

Dah bơ̆n ưh kơ khă Sư lei đĭ-đăng kon pơlei pơla gô lui kơ Sư na pôk Sư pơm tih. Kơlih kơ thoi noh na lu bơngai Rôm gô hil na tŏk tơgar iŏk hnam akŭm tơm bơ̆n păng teh đak bơ̆n đĭ hloi.”

Jang 21:28

Lu sư pơma 'bơ̆r re khan: “Ơ bơngai Isơrael, tơgŭm nhôn 'biơ̆ bĕ. Bơngai âu boih năm jơ̆p-jang kơ teh đak bơtho athei đe hil areh kơ bơngai Isơrael bơ̆n, athei đe tŭk lê̆ tơdrong juăt Môis păng hnam akŭm 'Bok Kei-Dei tơm âu. Na dang ei sư kư̆m anhăk ba bơngai tơmoi khŭl nai lăm hnam akŭm 'Bok Kei-Dei tơm âu, na pơm kơ hnam 'Bok Kei-Dei âu đơ̆ng 'lơ̆ng jing kơnê̆ 'mê̆-'mach.”

Jang 6:13

Klaih kơ noh sư ăn bơngai hơlĕnh gah Êtien roi kơ lu kră sek tơlang thoi âu: “Bơngai âu ling-lang pơma kơnê̆ kơ hnam akŭm 'Bok Kei-Dei tơm âu păng pơma kơnê̆ kơ tơdrong juăt bơ̆n.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

Tơdrông Tơ'bôh 1:3

Bơngai bu đŏk ăn kơ đe tơdrong 'Bok Kei-Dei âu, bơngai noh sư hiôk boih. Bơngai mă mơ̆ng păng răk dôm nơ̆r pơma lăm hla bơar âu sư kư̆m hiôk mơ̆n, yua kơ ưh pă đunh boih 'Bok Kei-Dei wă tơ'bôh kơ kon bơngai dôm tơdrong Sư mă khan lê̆ adrol âu.

Tơdrông Tơ'bôh 3:22

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”