Mathiơ 23:37 - Sơ̆p Hlabơar Nơ̆r 'Bok Kei-Dei

³⁷ “Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 23:37 交叉參考

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Horiso 17:8

Apinh Ih bơwei inh thoi bơwei kon-ngai lăm măt Ih, Apinh krôp inh ala pơnăr Ih Kră Yang.

Horiso 36:7

Ơ Kră Yang, tơdrong 'mêm mơnat gĭt pă băt dang yơ! Kon bơngai năm kơ'nơp ala pơnăr Ih.

Horiso 57:1

Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

Horiso 63:7

Yua kơ Ih đei tơgŭm inh boih, Ala yơ̆p pơnăr Ih na inh gô hơri chơt hiôk.

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Êsai 5:4

Hăm đei tơdrong kiơ gơh pơm dơ̆ng kơ pơgar hơmu Inh. Mă Inh tam mă pơm ăn kiơ kơ sư? Kơplah Inh hơmĕng kơ đei plei 'lơ̆ng mă-lei tă tơ plei wir kơnê̆?

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 26:23

Lu sư rôp anhăk Uri đơ̆ng Êyiptơ ba tơ pơtao Jêhôiakim. Pơtao pơlôch sư hăm đao gưm klơ̆m lê̆ atâu sư tơ bơsat kon pơlei hmă.

Je 32:31

“Iŏk đơ̆ng năr đe pơdơ̆ng sư sơ̆ khơ̆ dang ei pơlei tih âu tơblĕk wă kơ Inh hil, dĭng Inh mah pơrăm lê̆ sư đơ̆ng anăp Inh.

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Je 36:26

Pơtao rai wơh Jêrahmêel kon drŏ-nglo pơtao, Sêraia kon drŏ-nglo Asriel păng Sêlemia kon drŏ-nglo Apđeel năm wă rôp chô̆ Baruk 'bok chih hla bơar păng Jêrêmi bơngai khan lê̆ adrol. Mă-lei Kră Yang ôn lê̆ bre sư.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’

Je 6:8

Ơ pơlei Jêrusalem mơ̆ng bĕ nơ̆r chrih bơtho, kơnh Inh achăng lê̆ iĕm, Kơnh pơm ăn kơ iĕm jing bri juơ, ưh kơ đei bu oei.

Hôsia 11:2

Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.

Hôsia 11:7

Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Sa 1:4

'Nĕ kơ pơm thoi 'bok yă lu iĕm sơ̆ thoi lu 'bok khan lê̆ adrol sơ̆ đei krao lu sư. Kră Yang Tih Hloh đei khan: ‘Dang ei weh bĕ đơ̆ng trong kơnê̆ păng đơ̆ng lu tơdrong pơm kơnê̆.’ Mă-lei lu sư ưh kơ mơ̆ng, kuă kơ mơ̆ng Inh, Kră Yang khan thoi noh.

Mathiơ 22:3

Na sư wơh lu bơngai jang kơ sư năm krao lu bơngai mă sư wơ̆n năm sŏng sa tơ hnam sư, mă-lei lu bơngai mă sư wơ̆n noh ưh kơ wă năm sŏng sa.

Mathiơ 22:6

Lu mơ'nah dơ̆ng rôp lu bơngai jang kơ 'bok pơtao năm krao lu sư ei, blei hiap păng pơlôch hloi.

Mathiơ 23:30

Na iĕm khan: ‘Dah bơ̆n arih hơdai lu yă 'bok bơ̆n sơ̆, bơ̆n ưh kơ pơlôch lu bơngai pơtruh nơ̆r 'Bok Kei-Dei thoi lu sư sơ̆ ôh.’

Mathiơ 23:31

Iĕm krao lu sư yă 'bok noh trŏ tơpă yua kơ iĕm oei wă pơm thoi lu sư.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Luka 15:28

Thoi noh 'nhŏng kơdră sư 'blut lăm jơhngơ̆m. Sư kuă kơ mơ̆t tơ hnam. 'Bă sư lĕch pơlung sư ră,

I Tes 2:15

Lu bơngai Juđê pơlôch Kră Yang Yêsu Krist păng pơlôch lu 'bok khan lê̆ hơdrol, wă khan lu 'bok mă pơtruh nơ̆r 'Bok Kei-Dei sơ̆. Lu sư kư̆m pơm kơnê̆ kơ bơ̆n mơ̆n. Lu sư areh kơ kon bơngai ling-lang. Lu sư pơm thoi noh 'Bok Kei-Dei ưh kơ lăp đon kơ lu sư ôh.

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.

Ru 2:12

Hơpơi kơ Kră Yang 'mong ăn kơ ih dôm tơdrong 'lơ̆ng ih đei pơm, ih gô năm kơ'nơp ala pơnăr Kră Yang 'Bok Kei-Dei đe Isơrael.