Mathiơ 21:43 - Sơ̆p Hlabơar Nơ̆r 'Bok Kei-Dei

⁴³ Tơdrong noh gô trŏ kơ lu iĕm na Inh khan kơ iĕm: Iĕm pơm kuă kơ Inh thoi noh, na 'Bok Kei-Dei ưh kơ wă pơm pơtao iĕm ôh. Sư pơm pơtao lu bơngai nai đĕch, lu bơngai nai gô pơm kiơ̆ kơ Sư.

Mathiơ 21:43 交叉參考

Le 19:6

Gah lu iĕm jing teh đak 'bok soi păng adrĕch adrung kon pơlei 'lơ̆ng rơgoh Inh, noh boih nơ̆r ih gô pơma hăm kon pơlei Isơrael.

Êsai 26:2

Pơih bĕ lu 'măng jang. Ăn kơ dêh char tơpăt đei đon lui tơpă mơ̆t tơ noh,

Êsai 28:2

'Nâu, Kră Yang đei minh 'nu bơngai pran kơtang. Nhen thoi kial hơbŭt 'mi prĕl, nhen kial bah pơrăm, nhen đak tih blai kơ thong. Sư gô klơ̆m tơhuŏng lê̆ sư tơ teh.

Mathiơ 12:28

Mă tơpă đơ̆ng Yang Bơhngol 'Lơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

Mathiơ 21:41

Na đe khan: “Sư gô pơlôch đĭ lu bơngai pơm kơnê̆ noh, na ăn kơ bơngai nai jang dơ̆ng, na lu bơngai jang mơng đơ̆ng rŏng noh gô klah asong sư plei hơmu tơpă.”

Mathiơ 21:42

Yêsu jet lu sư: “Tơdrong 'Bok Kei-Dei âu iĕm tam mă đŏk lăng tơpă hă? ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man sư 'bơ̆t mum hnam. Sư pơm thoi noh trŏ tơpă, mă măt bơ̆n lăng kư̆m 'lơ̆ng mơ̆n.’

Mathiơ 21:44

Tơmo mă iĕm kuă noh, dah bơngai bu huŏng hơtat 'bơ̆t tơmo noh, bơngai noh gô tơgơ̆ jơ̆ng ti sư păng pơchah kơ̆l sư. Dah tơmo noh huŏng 'bơm bơngai bu, akâu bơngai noh gô pơchah hĕch hoch thoi 'mui teh.”

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.

I Kor 13:2

Dah 'Bok Kei-Dei ăn kơ inh gơh pơtruh nơ̆r Sư păng hlôh tôm tơdrong Sư tam lah tơ'bôh kơ đe đơ̆ng sơ̆ păng dah Sư ăn kơ inh lui kơjăp sơkat kĕ hiŏng tơlơ̆ kông, mă khan Sư ăn kơ inh gơh hơgei dang 'noh ră, mă-lei dah inh ưh kơ băt 'mêm kơ Sư hăm bôl buăl inh, thoi noh akâu inh âu ưh kơ yua kiơ ôh.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.