Mathiơ 2:8 - Sơ̆p Hlabơar Nơ̆r 'Bok Kei-Dei

⁸ Klaih kơ noh Hêrôt wơh lu sư năm tơ Pơlei Betlehem. Sư pơkă kơ lu đe noh thoi âu: “Iĕm năm chă kon nge 'noh tơ̆p 'bôh hŏ, mưh 'bôh boih iĕm brŏk roi kơ inh, wă kơ inh năm kơkuh kơ Sư mơ̆n.”

Mathiơ 2:8 交叉參考

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

I Pot 19:2

Na yă Jêsebel athei đe năm khan kơ Êli: “Năr dơning lăm jơ 'nâu, tơdah inh ưh kơ pơrăm tơdrong arih ih, thoi ih pơrăm tơdrong arih minh 'nu lăm lu sư, lei apinh lu yang phak inh mă trăp.”

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Mathiơ 2:7

Thoi noh boih na pơtao Hêrôt krao lu 'bok pơjâu hơgei hnhoi sơnglŏng akŭm kơdrô̆ lu sư, na Hêrôt jet pơnhên gah sơnglŏng noh hei lĕch layơ.

Mathiơ 2:9

Đang pơtao Hêrôt khan kơ lu sư thoi noh boih, na lu sư năm. Kơplah lu sư oei nơnăm rok trong lu sư 'bôh hloi sơnglŏng ei pơchrang hơdrol hơdrol kơ lu sư. Lu sư 'nă hal dêh. Lu sư hnhoi sơnglŏng ei truh tơ Pơlei Betlehem. Lăp truh tơ kơpal bơbŭng hnam Yêsu, sơnglŏng ei dơ̆ng.