Mathiơ 2:4 - Sơ̆p Hlabơar Nơ̆r 'Bok Kei-Dei

⁴ Pơtao Hêrôt krao akŭm lu 'bok soi tih păng lu 'bok thây bơtho tơdrong juăt đe Juđê na jet lu sư thoi âu: 'Bok Krist mă wă pơm pơtao bơ̆n, sơ̆p hla bơar 'Bok Kei-Dei khan đe wă tơpŭ kơ Sư tơ yơ?

Mathiơ 2:4 交叉參考

II Ho 34:13

Lu bơngai 'nâu wei-lăng lu bơngai jang păng wei-lăng tôm tơdrong jang; lu mơ'nah bơngai Lêwi chih hla bơar, lu kai păng lu bơngai gak 'măng.

II Ho 34:15

Hilkia khan kơ Saphan bơngai chih hla bơar: “Inh đei 'bôh hla bơar khôi juăt lăm Hnam Kră Yang.” Hilkia ăn Sơ̆p hla bơar khôi juăt noh kơ Saphan.

II Ho 36:14

Hloh kơ noh dơ̆ng, lu đei 'bok soi păng lu kon pơlei rai kiơ̆ lu tơdrong kơnê̆ 'mê̆ brư̆ thoi lu bơngai tơmoi lăm dêh char jum dăr lu sư, pơm pơ'mê̆ kơ hnam Kră Yang mă Sư đei rơih iŏk 'măn lê̆ rơgoh lăm pơlei Jêrusalem.

Esơra 10:5

Esơra sư iung, apinh lu 'bok soi păng bơngai Lêwi hăm đĭ-đăng Isơrael pơkăm pơkă pơm kiơ̆ thoi ei, lu sư pơkăm hloi.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Ne 12:7

Salu, Amok, Hilkia păng Jêđaia, 'Noh yŏng pơgơ̆r, lu 'bok soi păng 'nhŏng oh lu sư lăm chăl Jêsua.

Horiso 2:2

Lu pơtao lăm teh đak iung blah, Lu kră pơgơ̆r pơđâu chă đon wă blah Kră Yang, păng Tơ'ngla mă Kră Yang đei rơih tuh đak rơmă

Je 8:8

Liơ lu iĕm gơh khan: “Lu nhôn hơgei boih, lu nhôn đei khôi juăt Kră Yang? Mă-lei âu, lu bơngai chih hla bơar chih hơlĕnh. Pơm pơglăi lê̆ kơ khôi juăt Inh

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Mathiơ 2:3

Lăp pơtao Hêrôt kơtơ̆ng tơdrong noh sư sơleng kơ đon păng jơhngơ̆m sư hli. Đĭ-đăng bơngai lăm Pơlei Jêrusalem kư̆m hli lei-lăi mơ̆n.

Mathiơ 2:5

Lu sư khan: “Tơ Pơlei Betlehem lăm dêh Juđê bơ̆n, yua kơ 'bok khan lê̆ hơdrol sơ̆ chih roi thoi âu:

Mathiơ 21:15

Lu 'bok soi tih, lu thây bơtho đe Juđê 'bôh tơdrong mơsêh Sư pơm noh păng kơtơ̆ng lu đe hơ'lơ̆p wang hô pơma ư-ang kơ Sư khan: “Hôsana, bơnê kơ 'Bok Krist Kon Sâu pơtao Đawit.” Lu sư 'bôh thoi noh, lu sư blĕk dêh.

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Mathiơ 26:47

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu pơhrăm păng Yêsu. Đei lơ bơngai kiơ̆ sư chĕp tak đao mơ'nah chĕp 'long tơnôn, yua kơ lu 'bok soi tih, lu đe kră sek tơlang đe Juđê wơh lu sư năm rôp Yêsu.

Mathiơ 27:1

Lăp 'brưch hơdah til pơgê đĭ-đăng lu 'bok soi tih păng lu đe kră sek tơlang chă đon wă pơlôch Yêsu.

Mathiơ 7:29

yua kơ Sư bơtho hơgei thoi lĕ Sư băt kơdih, ưh kơ thoi lu thây bơtho tơdrong juăt đe Juđê chă bơtho đe.

Markôs 8:31

Na Yêsu khan kơ lu sư: “Inh Kon Bơngai gô đei tơdrong pơmat-tat. Lu đe kră sek tơlang, lu đe 'bok soi tih, lu 'bok thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch pêng năr đơ̆ng rŏng Inh gô iung arih dơ̆ng.”

Luka 20:19

Lu thây bơtho tơdrong juăt đe Juđê păng lu 'bok soi tih wă rôp hloi Yêsu kơplah noh ră yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla mă oei mơ̆ng bơtho 'bơ̆t ei, na lu sư jing ưh kơ yĕng kơ rôp Yêsu ôh.

Luka 23:10

Lu 'bok soi tih păng lu 'bok thây bơtho tơdrong juăt đe Juđê kư̆m oei 'bơ̆t ei mơ̆n na lu sư jâu Yêsu dêh.

Yo 18:3

Thoi noh Juđa năm krao iŏk lu linh Rôm păng lu linh Juđê mă gak hnam akŭm tơm mă đêl lu 'bok soi tih hăm lu khŭl Pharisi pơkă ăn kơ lu sư. Lu sư tơ̆k ŭnh, chĕp đao, hơlă, hră, năm tơ pơgar ei.

Yo 3:10

Yêsu khan dơ̆ng kơ sư: “Liơ lu bơngai Juđê pôk ih thây bơtho lu sư boih mă ih ưh kơ hlôh tơdrong noh?

Yo 7:32

Bơngai Pharisi kơtơ̆ng ang kon pơlei pơma 'bơm Yêsu thoi noh, na lu bơngai Pharisi păng lu 'bok soi tih wơh lu linh sư năm rôp Yêsu.

Yo 8:3

Kơplah Yêsu oei bơtho lu sư na lu 'bok thây bơtho tơdrong juăt đe Juđê păng lu bơngai Pharisi, lu sư anhăk ba minh 'nu bơngai drŏ-kăn tơ Yêsu. Bơngai drŏ-kăn ei đe 'bôh sư ngôi pơyô kư̆ kă tơpă. Na lu sư athei drŏ-kăn mă ngôi pơyô kư̆ kă ei dơ̆ng 'bơ̆t anăp đe tơpôl.

Jang 23:9

Lu sư pơma re đơđơu đơđao mao. Đei lu 'bok thây bơtho tơdrong juăt Juđê khŭl Pharisi, lu sư wă kơ jei sư na sư iung pơma dŏng Pôl khan hloi thoi âu: “Bơngai âu ưh kơ đei pơm tơdrong kiơ ôh. Rŏ lăng sư đei linh jang 'lơ̆ng pơma khan kơ sư kơlĕ.”

Jang 4:5

Truh pơgê dơning na lu 'bok pơgơ̆r đe Juđê, lu thây bơtho tơdrong juăt đe Juđê păng lu 'bok gơh sek tơlang, pêng khŭl lu 'bok âu akŭm tơ Pơlei Jêrusalem wă sek tơlang tơdrong bre Pêtrôs păng Yôhan.

Jang 6:12

Thoi noh lu sư pơchŭt lu kon pơlei pơla, đe kră sek tơlang păng lu kră bơtho tơdrong juăt Juđê. Đơ̆ng noh na đe năm rôp Êtien anhăk ba sư tơ anăp đe kră sek tơlang.