Mathiơ 2:1 - Sơ̆p Hlabơar Nơ̆r 'Bok Kei-Dei

¹ Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Mathiơ 2:1 交叉參考

Bl 10:30

Anih tehd lu bơngai noh oei gah Sêpha, năm đơ̆ng Mêsa truh tơe kông groi gah hơlĕch.

Bl 25:6

Gah kon đơ̆ng bre akăn sư Hơgar păng Kêtura tơpŭ ăn noh sư asong ăn jên tơmam kơplah sư oei arih păng athei oei tơ dêh char gah hơlĕch, ataih đơ̆ng kon tơnơm sư Isăk.

Bl 41:8

Pơgê dơning, jơhngơ̆m sư hiơ̆k bơngơ̆t, na athei krao lu bơngai hơgei, lu bơngai juăt kơ tơblang lăm dêh Êyiptơ năm tơ sư, na pơtao roi dôm tơdrong sư apo 'bôh noh lu sư mơ̆ng, mă-lei ưh kơ đei bu gơh tơblang ăn tơdrong apo noh kơ pơtao.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

I Pot 4:30

Sôlômôn gơh hơgei hloh kơ tơdrong hơgei lu bơngai dêh char gah hơlĕch păng hloh kơ tơdrong gơh hơgei lu bơngai Êyiptơ.

I Ho 2:51

Salma 'bă kơ Betlehem păng Harep 'bă kơ Bêt Gađer.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Mathiơ 1:25

Mă-lei sư ưh kơ đei ngôi hơdai hăm Mari truh tơ năr Mari tơpŭ kơ kon nge 'noh. Na Yôsep anăn kon nge 'noh Yêsu.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 2:19

Đơ̆ng rŏng kơ pơtao Hêrôt lôch, Yôsep apo 'bôh linh jang 'lơ̆ng 'Bok Kei-Dei jur khan kơ sư tơ dêh Êyiptơ:

Mathiơ 2:3

Lăp pơtao Hêrôt kơtơ̆ng tơdrong noh sư sơleng kơ đon păng jơhngơ̆m sư hli. Đĭ-đăng bơngai lăm Pơlei Jêrusalem kư̆m hli lei-lăi mơ̆n.

Mathiơ 2:5

Lu sư khan: “Tơ Pơlei Betlehem lăm dêh Juđê bơ̆n, yua kơ 'bok khan lê̆ hơdrol sơ̆ chih roi thoi âu:

Mathiơ 2:7

Thoi noh boih na pơtao Hêrôt krao lu 'bok pơjâu hơgei hnhoi sơnglŏng akŭm kơdrô̆ lu sư, na Hêrôt jet pơnhên gah sơnglŏng noh hei lĕch layơ.

Luka 1:5

Kơplah pơtao Hêrôt pơgơ̆r dêh char Juđê sơ̆ đei minh 'nu 'bok soi anăn sư Sachari. Sư khŭl 'bok soi mă đe anăn khŭl Abia. Anăn akăn sư Êlisabet. Akăn sư ei kon sâu Arôn mă pơm 'bok soi tơm hmơm sơ̆.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Luka 2:15

Đang kơ lu linh jang 'lơ̆ng hơri păng wih tơ plĕnh đơ̆ng lu sư, lu bơngai wei triu ei pơma tơduă lu sư: “Bĕ bơ̆n năm tơ Pơlei Betlehem chă lăng tơdrong mă Kră Yang 'Bok Kei-Dei 'nao roi kơ bơ̆n.”

Yo 7:42

yua kơ đei lăm sơ̆p hla bơar 'Bok Kei-Dei đe chih khan 'Bok Krist lĕch đơ̆ng krung kơtum 'bok Đawit, đơ̆ng pơlei 'bok Đawit mơ̆n. Pơlei ei anăn Pơlei Betlehem lăm dêh char Juđê.”

Lu 17:7

Đei minh 'nu tơdăm đơ̆ng pơlei Betlehem lăm dêh Juđa. Tơdăm âu tơpŭ kơ sư wơ̆ 'lŏ hăm kon pơlei Juđa.