Mathiơ 19:13 - Sơ̆p Hlabơar Nơ̆r 'Bok Kei-Dei

¹³ Kơplah ei đe anhăk lu hơ'lơ̆p tơ Yêsu wă kơ Sư pel kơ̆l krao khan kơ 'Bok Kei-Dei apinh Sư wei-lăng lu hơ'lơ̆p, mă-lei lu bơngai pơhrăm păng Sư khă kuă ăn năm tơ Sư.

Mathiơ 19:13 交叉參考

Bl 48:1

Đơ̆ng rŏng kơ tơdrong noh đei bơngai năm khan kơ Jôsep thoi âu: Dang ei 'bă ih jĭ; Jôsep chông ba 'bar 'nu kon drŏ-nglo sư, bre Manase păng Êphraim.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Mathiơ 16:22

Na Pêtrôs krao Yêsu weh ataih 'biơ̆, sư wă khă Yêsu yua kơ Yêsu pơma thoi noh hei. Pêtrôs khan: “Ơ 'Bok, apinh 'Bok Kei-Dei 'nĕ ăn truh kơ Ih tơdrong 'noh.”

Mathiơ 19:12

Đei bơngai mơ'nah ưh kơ wă iŏk akăn, yua kơ sư kơđo đơ̆ng klak mĕ sư tơpŭ sơ̆ ưh kơ gơh pơjing kon. Đei bơngai mơ'nah ưh kơ wă iŏk akăn, yua kơ đơ̆ng tơduă kon bơngai pơm kơ sư thoi noh. Đei bơngai mơ'nah ưh kơ wă iŏk akăn, yua kơ sư wă adrin jang tơdrong 'Bok Kei-Dei; na bu kĕ adrin tơdrong 'noh, adrin bĕ.”

Mathiơ 20:31

Lu bơngai tơpôl ei khă bre sư kuă ăn krao dơ̆ng ră, mă-lei bre sư rai krao 'bơ̆r re: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

I Kor 7:14

Mă klo sư ưh kơ lui, 'Bok Kei-Dei lăng bre klo kăn noh kư̆m 'lơ̆ng yua kơ akăn sư lui. Kư̆m lei-lăi, klo sư lui mă akăn sư ưh, 'Bok Kei-Dei lăng bre klo kăn noh kư̆m 'lơ̆ng yua kơ klo sư lui boih. Dah 'Bok Kei-Dei lăng bre sư ưh kơ 'lơ̆ng lei Sư kư̆m lăng kon bre sư kư̆m ưh kơ 'lơ̆ng mơ̆n. Mă-lei bơ̆n băt boih 'Bok Kei-Dei lăng kon bre sư 'lơ̆ng. Thoi noh bơ̆n kư̆m băt Sư lăng bre klo kăn noh 'lơ̆ng mơ̆n.

I Sam 1:24

Truh tơ sư lê̆ mŏm bơih, Hana chông ba kon sư năm hơdai sư. Păng kư̆m dui ba rơmo tơno pêng sơnăm, minh êphac tơpŭng, minh pơm get akar sik hơmu. Sư chông kon sư tơ hnam Kră Yang tơ pơlei Silô. Kon hơ'lơ̆p sư noh oei 'lơ̆p.