Mathiơ 17:25 - Sơ̆p Hlabơar Nơ̆r 'Bok Kei-Dei

²⁵ Pêtrôs khan: “Sư ăn mơ̆n” Lăp Pêtrôs mơ̆t tơ hnam Yêsu thar jet hloi: “Ơ Simôn, lu 'bok pơtao iŏk thuê̆ đơ̆ng bu? Sư iŏk đơ̆ng lu kon sư, dah đơ̆ng bơngai nai?”

Mathiơ 17:25 交叉參考

Mathiơ 17:26

Na Pêtrôs khan kơ Sư: “Lu sư iŏk thuê̆ đơ̆ng bơngai nai.” Yêsu khan kơ Pêtrôs: “'Noh bơ̆n băt kơ 'bok pơtao kuă ăn kon sư duh thuê̆, bơ̆n kư̆m ưh kơ duh ôh, yua kơ bơ̆n kon pơtao 'Bok Kei-Dei.

Mathiơ 22:17

Na nhôn wă jet Ih, Ih tơchĕng thoi yơ kiơ̆ kơ tơdrong juăt bơngai Juđê bơ̆n? Bơ̆n hăm gơh ăn jên thuê̆ kơ Sêsar pơtao đe Rôm mă pơgơ̆r bơ̆n dah ưh?”

Mathiơ 22:19

Iĕm ăn Inh lăng jên iĕm wă ăn thuê̆ noh.” Lu sư ăn kơ Yêsu lăng minh hlak jên, na Yêsu khan kơ lu sư:

Mathiơ 22:21

Lu sư khan: “'Noh rup Sêsar păng anăn Sêsar mơ̆n.” Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Luka 20:22

Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar, pơtao đe Rôm mă pơgơ̆r bơ̆n dah ưh?”

I Sam 17:25

Lu Sư khan tơduă: Lu iĕm hăm 'bôh bơngai noh to sư lĕch năm? Sư wă pơjăm che bơle kơ bơngai Isơrael, tơdah bơngai bu kĕ pơlôch sư, na pơtao gô apah mŭk tơmam lơ, rôp ăn kon adruh sư ăn kơ bơngai noh oei păng ưh kơ đei iŏk thuê̆ ăn rơngei kơ hnam 'bă.