Mathiơ 15:3 - Sơ̆p Hlabơar Nơ̆r 'Bok Kei-Dei

³ Yêsu khan kơ lu sư: “Bĭ lei iĕm tŭk kơ kiơ tơdrong juăt 'Bok Kei-Dei pơkă jing kiơ̆ tơdrong juăt iĕm kơdih?

Mathiơ 15:3 交叉參考

Mathiơ 15:2

“Yua kơ kiơ lu bơngai pơhrăm păng Ih ưh kơ kiơ̆ tơdrong juăt yă 'bok bơ̆n pơkă sơ̆, lu sư sŏng sa ưh kơ ôp ti?”

Mathiơ 15:4

'Bok Kei-Dei pơkă thoi âu: ‘Iĕm athei lui yom kơ mĕ 'bă păng dah bơngai bu pơma kơnê̆ kơ mĕ 'bă sư, athei pơlôch tŭk bơngai noh.’

Markôs 7:13

Iĕm pơjing tơdrong juăt bơtho đe thoi noh, na iĕm jing tŭk tơdrong juăt 'Bok Kei-Dei boih păng iĕm kư̆m pơm lơ tơdrong nai ưh kơ 'lơ̆ng thoi noh mơ̆n.”

Kôlôsê 2:23

Lu bơngai 'noh lu sư wă kơ bơ̆n lăng tơdrong lu sư pơm 'noh, khan trŏ dêh, kăl dêh, na pơm tơnen kuă kơ sa dôm tơmam 'noh pơmat akâu kơdih. Mă tơpă, dôm tơdrong lu sư giĕng 'noh ưh kơ gơh pơm kơ bơ̆n klaih kơ tơdrong pơm yoch, mă-lei lăm jơhngơ̆m bơ̆n oei 'maih pơm yoch.

Kôlôsê 2:8

Iĕm athei kơchăng hli kơ bơngai hơlĕnh pơhlŭ iĕm. Sư khan sư bơtho tơdrong trŏ, tơdrong đe gĭt; mă tơpă ưh ôh, sư bơtho tơdrong kư̆ kă đĕch, tơdrong ưh kơ đei, tơdrong kiơ̆ kơ đon kon bơngai tơchĕng. Lu sư bơtho tơdrong yang tơ ala teh, ưh kơ 'bơm tơdrong Yêsu Krist ôh.

Tit 1:14

Păng ih khan kơ lu sư 'nĕ pă lui kơ tơdrong hơ'mon lu bơngai Juđê. Athei lu sư hŭt đĭ lu tơdrong 'noh yua kơ tơdrong 'noh đơ̆ng kon bơngai tơchĕng đĕch. Kơlih kơ bơngai mă nŏng bơtho đe hơ'mon 'noh sư hŭt lê̆ tơdrong 'Bok Kei-Dei boih.