Mathiơ 13:19 - Sơ̆p Hlabơar Nơ̆r 'Bok Kei-Dei

¹⁹ Lu bơngai mơ̆ng đe bơtho tơdrong 'Bok Kei-Dei wă pơgơ̆r bơ̆n, lu mơ'nah ưh kơ hlôh, lu sư thoi lĕ găr 'ba đe rei huŏng 'bơ̆t trong. Na yang kơnê̆ Satan năm tơbeh lê̆ kuă ăn iŏk nơ̆r đe bơtho 'noh.

Mathiơ 13:19 交叉參考

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Tơdrông Pơđơk 17:16

Hăm yua kiơ bơngai kơwao chĕp jên hu, Sư ưh kơ 'maih răt tơdrong hơgei.

Êsêkiên 31:18

Dôm lu 'long lăm pơgar Êđen, ih nhen thoi 'long ayơ mă tih-tin 'lơ̆ng rŏ? Inh kư̆m gô tơhuŏng ih tơ lăm dơnâu ŭnh hơdai hăm lu 'long lăm pơgar Êđen; ih gô 'bĭch hơdai hăm lu bơngai mă ưh kơ chu kăt tơdra hơkar, hăm lu bơngai lôch kơ đao gưm. Noh Pharaôn păng đĭ-đăng lu kon pơlei sư Kră Yang khan bơih.”

Mathiơ 12:26

Thoi noh dah yŏng pơgơ̆r yang kơnê̆ tơblah tơduă yang kơnê̆, dôm tơdrong sư pơgơ̆r gô hiong tôch.

Mathiơ 13:20

Lu bơngai mă thoi lĕ găr 'ba huŏng 'bơ̆t tơmo trêl, lu sư kơtơ̆ng đe bơtho tơdrong 'Bok Kei-Dei, lu sư hưch hanh păng iŏk hloi mơ̆n.

Mathiơ 13:38

Mir noh wă khan jơ̆p-jang kơ teh đak. Adrĕch 'ba 'lơ̆ng noh wă khan lu bơngai mă ăn kơ 'Bok Kei-Dei pơgơ̆r sư. 'Nhĕt noh wă khan bơngai kiơ̆ yang kơnê̆.

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Mathiơ 5:37

Iĕm wă pơkă kơ đe tơdrong kiơ kiơ, iĕm athei pơkă mă tơpăt hăm 'bơ̆r hoh đĕch, 'nĕ pă pơkă pao anăn 'Bok Kei-Dei dah tơdrong kiơ kiơ nai. Dah iĕm pơkă kơ đe thoi noh hei, 'noh đơ̆ng yang kơnê̆ pơhlŭ iĕm pơm thoi noh đĕch.

Markôs 4:15

Lăp đe bơtho nơ̆r 'Bok Kei-Dei, lu bơngai mơ'nah thoi lĕ kơ găr 'ba đêl đe rei mơ'nah huŏng 'bơ̆t trong. Lu sư kơtơ̆ng ră nơ̆r 'Bok Kei-Dei, na yang Satan yŏng pơgơ̆r yang kơnê̆, sư tơgar iŏk nơ̆r đêl đe bơtho 'noh.

Luka 10:9

Na iĕm pơklaih lu bơngai jĭ jăn tơ noh păng tơbăt kơ lu sư khan: ‘'Bok Kei-Dei wă pơgơ̆r lu iĕm boih.’

Luka 9:2

Đơ̆ng noh na Yêsu wơh lu sư năm chă bơtho đe tơdrong 'Bok Kei-Dei wă pơgơ̆r kon bơngai păng pơklaih lu đe jĭ jăn.

Yo 18:38

Pilat khan: “Tơdrong kiơ khan tơdrong tơpăt?” Pilat lĕch hloi khan kơ lu bơngai Juđê: “Inh 'bôh bơngai 'nâu ưh kơ đei tơdrong yoch kiơ ôh.

Yo 8:43

Inh tơhlôh ăn kơ iĕm thoi noh boih, kơlih kơ kiơ iĕm ưh kơ wao tơdrong Inh bơtho? Hăm trŏ iĕm arăng kơ̆l ưh kơ wă lui kơ nơ̆r Inh bơtho?

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

Jang 18:15

Mă-lei tơdrong âu gah nơ̆r sư bơtho đĕch, na dang ei gô mơ̆ng tơdrong juăt iĕm kơdih đĕch. Iĕm athei sek tơlang kơdih, inh ưh kơ wă mơ̆ng iĕm dơ̆ng.”

Jang 20:25

“Sơ̆ inh năm tơ rim lu iĕm, bơtho ăn kơ đĭ-đăng iĕm tơdrong 'Bok Kei-Dei wă pơgơ̆r iĕm thoi yơ. Na dang ei inh băt kơ iĕm ưh kơ đei layơ wă 'bôh akâu inh tơ ala teh âu dơ̆ng.

Jang 28:23

Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Rom 14:17

Na bơ̆n bơngai mă 'Bok Kei-Dei pơgơ̆r boih, mah kăl kiơ kơ sa 'nhĕm 'nhot thoi noh, mah 'nhĕng kiơ kơ đe sa et tơdrong 'noh. Tơdrong bơ̆n pơm 'lơ̆ng kơ 'Bok Kei-Dei, tơdrong bơ̆n pơm 'lơ̆ng kơ bôl buăl, tơdrong bơ̆n chơt ngă 'nă hal yua kơ đei Yang Bơhngol 'Lơ̆ng, tơdrong noh bơ̆n kăl.

Rom 2:8

Bơngai bu băt 'mêm kơ akâu sư kơdih, ưh kơ 'mêm kơ tơdrong 'Bok Kei-Dei, sư wă kiơ̆ tơdrong kơnê̆ ngăl, bơngai noh 'Bok Kei-Dei gô phak sư kơtang kơtĭt tơpă.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

II Tes 2:12

Thoi noh 'Bok Kei-Dei gô phak đĭ-đăng lu sư, kơlih kơ lu sư ưh kơ lui kơ tơdrong 'Bok Kei-Dei, lu sư lăp đon kơ pơm tơdrong kơnê̆ đĕch.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

I Yo 3:12

Bơ̆n ưh kơ gơh pơm thoi Kain ôh. Kain sư kiơ̆ yang Satan, sư pơlôch oh sư pôm mĕ 'bă. Kơlih kơ kiơ Kain pơlôch oh sư? Kơlih kơ sư pơm tơdrong kơnê̆ ling-lang, gah oh sư pơm tơdrong 'lơ̆ng tơpăt.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.