Mathiơ 11:27 - Sơ̆p Hlabơar Nơ̆r 'Bok Kei-Dei

²⁷ “'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 11:27 交叉參考

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 10:15

kư̆m thoi 'Bă Inh băt kơ Inh, na Inh băt kơ Sư mơ̆n. Na Inh athei chu lôch yua kơ triu Inh.

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 17:6

“Inh roi tơbăt tôm tơdrong Ih kơ lu bơngai ala teh mă Ih pơjao ăn kơ Inh boih. Lu sư bơngai Ih, mă Ih pơjao ăn kơ Inh. Lu sư răk dôm nơ̆r Ih.

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

Yo 6:46

Mă-lei ưh kơ đei bơngai bu 'bôh 'Bă Inh ôh. Pôm Inh Kon Sư mă jur đơ̆ng plĕnh đĕch 'bôh kơdih 'Bă.

Yo 7:29

Inh băt kơ Sư tơpă kơlih kơ Inh jur đơ̆ng Sư, yua kơ Sư wơh Inh.”

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

I Yo 2:23

Bơngai bu achăng tŭk Kon Sư, bơngai 'noh kư̆m achăng tŭk 'Bă Sư mơ̆n. Bơngai bu lui kơ Yêsu Kon 'Bok Kei-Dei, bơngai 'noh kư̆m juăt păng 'Bok Kei-Dei mơ̆n.

II Yo 1:9

Bơngai bu khan sư băt hloh kơ bơ̆n mă sư ưh kơ wă kiơ̆ thoi Yêsu Krist bơtho, bơngai 'noh 'Bok Kei-Dei ưh kơ oei hơdai păng sư ôh. Dah bơngai bu oei kiơ̆ dôm tơdrong Yêsu Krist bơtho, bơngai 'noh 'Bă tơm bơ̆n 'Bok Kei-Dei păng Kon Sư Yêsu Krist oei hơdai păng sư.