30 Na sư wih tơ hnam 'bôh hloi kon sư 'bĭch tơ giơng, yang kơnê̆ lĕch đĭ đơ̆ng akâu sư boih.
Na Yêsu khan kơ sư: “Ơ yă, yua kơ ih pơma trŏ thoi noh, na dang ei brŏk kơ ih bĕ. Yang kơnê̆ lĕch đĭ đơ̆ng akâu kon ih boih.”
Klaih kơ noh Yêsu năm đơ̆ng tơring Tirơ drong tơ tơring Siđôn păng tơring Đêkapôlis na wih tơ đak dơsĭ Galilê.
Bơngai bu oei pơm yoch khŏm khŏm, bơngai 'noh oei kiơ̆ yang Satan đĕch, kơlih kơ yang Satan pơm yoch đơ̆ng tơm hmơm sơ̆. Kon 'Bok Kei-Dei jur tơ ala teh âu sơ̆ wă pơrăm dôm tơdrong yang Satan pơm.
