50 Đĭ dôm lu sư 'bôh tôm, na lu sư hli tơrơ tơpă. Mă-lei Yêsu khan hloi kơ lu sư: “Iĕm 'nĕ pă hli âu, Inh lah.”
Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.
Mă-lei Yêsu thar khan kơ lu sư: “Iĕm 'nĕ pă hli, Inh âu lah.”
Tơ noh đe tung ba minh 'nu bơngai hơwen hơwo kơpal anhŭn anhăk tơ Yêsu. Yêsu 'bôh tơdrong lui đe noh 'lơ̆ng tơpă na Sư khan kơ bơngai hơwen hơwo ei thoi âu: “Ơ dăm, hiôk bĕ ih, yua kơ tơdrong yoch ih Inh pơklaih đĭ boih.”
Lăp lu sư 'bôh Sư yak kơpal đak dơsĭ, lu sư ngêh kơ atâu, lu sư hli dêh na ôr tơkĕch.
