Markôs 5:13 - Sơ̆p Hlabơar Nơ̆r 'Bok Kei-Dei

¹³ Na Yêsu ăn kơ lu sư. Na lu yang kơnê̆ ei lĕch hloi mơ̆t tơ tơpôl lu nhŭng oei chă sa kiơ̆ ei. Lu nhŭng ei dang 'bar-rơbâu kơdâu jur đơ̆ng kông groi ei huŏng hơtat tơ đak dơsĭ glơ̆k lôch đĭ minh tơpôl nhŭng ei.

Markôs 5:13 交叉參考

I Pot 22:22

Kră Yang jet: ‘Ih pơhlŭ sư thoi yơ?’ Yang 'noh tơl: ‘Inh gô năm pơm yang pơma hơlĕnh lăm 'bơ̆r lu bơngai khan lê̆ adrol mă jang kơ sư.’ Kră Yang khan: “Trŏ bơih, ih gơh năm, pơhlŭ sư lei ih năm bĕ păng pơhlŭ sư thoi nơ̆r ih pơma 'noh.’

Jop 1:12

Kră Yang khan kơ Satan: “Âu dôm tơmam sư đei pơjao đĭ lăm tơpang ti e; mă-lei e 'nĕ hơtŭt 'bơm akâu sư.” Na Satan weh hloi đơ̆ng anăp Kră Yang.

Jop 2:6

Kră Yang khan kơ Satan: “'Nâu e gơh pơm kơ Jop mă-lei e 'nĕ kơ pơlôch sư.”

Mathiơ 7:6

“Iĕm 'nĕ pă bơtho tơdrong 'Bok Kei-Dei kơ lu bơngai mă ưh kơ lui mă wă pơjăm pơjuă iĕm ling-lang. 'Noh dang bơ̆n tŭk 'nhĕm giĕng ăn kơ kŏ sa, dang dơmŏng đe gĭt mă ăn kơ nhŭng, hli kơ lu sư pơm kơnê̆ kơ iĕm dơ̆ng.

Mathiơ 8:32

Na Yêsu khan: “Năm bĕ.” Yang kơnê̆ lĕch hloi đơ̆ng akâu bre noh mơ̆t tơ minh tơpôl nhŭng oei chă sa kiơ̆ groi kông ei, lu nhŭng ei kơdâu jur đơ̆ng kông groi ei huŏng hơtat tơ đak dơsĭ glơ̆k lôch đĭ minh tơpôl nhŭng ei.

Markôs 5:12

Na lu yang kơnê̆ apinh Yêsu khan: “Ih ăn kơ nhôn jăk mơ̆t tơ lu nhŭng to.”

Markôs 5:14

Lu bơngai wei nhŭng 'bôh thoi noh na kơdâu chă roi kơ đe jơ̆p-jang lăm pơlei ei. Na lu kon pơlei pơla năm lăng tơdrong noh lơliơ.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

Tơdrông Tơ'bôh 20:7

Tôch minh-rơbâu sơnăm ei 'mơ̆i na achăng yang Satan lĕch đơ̆ng sơlŭng jrŭ đe chĭt sư noh.

Tơdrông Tơ'bôh 9:11

Lu sư đei yŏng pơgơ̆r kơdih, yŏng lu sư ei jĭ yang pơgơ̆r sơlŭng jrŭ, anăn sư lăm nơ̆r Hêbrơ khan Abadon; tơ̆ng kiơ̆ kơ nơ̆r Grĕk khan Apôliôn wă khan yang chă blah pơrăm đe.