2 Lăp 'năr lĕch til pơgê hrôih, năr mă mônh lăm giĕng, lu sư năm tơ bơsat.
Na, pơtao drôih iung đơ̆ng hrôih, sư hăt hot kơdâu năm tơ sơlŭng dăm-brang.
Đơ̆ng rŏng kơ năr pơdơh Sa'bat boih, lăp 'brưch hơdah til pơgê hrôih năr mônh, na Mari đơ̆ng Pơlei Mađơla hăm Mari nai bre sư năm lăng bơsat Yêsu.
Lăp hloh kơ năr pơdơh Sa'bat boih, na Mari đơ̆ng Pơlei Mađơla, Salômê păng Mari mĕ bre Jôsê hăm Yakơ, lu sư răt pơgang 'bâu phu wă năm pik tơ atâu Yêsu.
Lu sư pơma tơduă lu sư: “Bu wă pơih kơ bơ̆n 'măng tơmo đơ̆ng klơ̆p bơsat?”
Lăp 'brưch hơdah til pơgê năr mônh, lu drŏ-kăn ei chĕp ba pơgang 'bâu phu mă đêl lu sư hơmet lê̆ noh na năm tơ bơsat.
Tơ pơgê hrôih năr mă mônh lăm giĕng, oei măng mu, Mari Pơlei Mađơla năm tơ bơsat Yêsu. Truh tơ bơsat sư 'bôh tơmo tơgrŏl lê̆ boih đơ̆ng 'măng bơsat.
