3 Lu 'bok soi tih pơma jâu Yêsu lơ tơdrong.
Inh jing thoi bơngai ưh kơtơ̆ng. Ưh kơ đei 'bơ̆r nơ̆r pơma.
Sư đe teh pơjuă păng pơmat, mă-lei ưh kơ đei pơma minh nơ̆r, nhen thoi triu đe dui wă pơm 'nhĕm, nhen thoi triu kơmlo dơ̆ng 'bơ̆t anăp bơngai yuă sŏk sư ưh kơ đei tơlĕch minh nơ̆r.
Lu 'bok soi tih, lu đe kră sek tơlang jâu Yêsu lơ tơdrong, mă-lei Yêsu ưh kơ tơl.
Pilat jet Yêsu: “Hăm trŏ kơ Ih pơm Pơtao đe Juđê?” Na Yêsu khan: “Trŏ kơ Inh boih.”
Na Pilat jet Sư dơ̆ng: “Đe jâu Ih lơlap lơlang, Ih kuă kơ kiơ kơ tơl?”
Mă-lei Yêsu 'nhŏ kơ tơl na Pilat sơleng kơ đon.
Kơtơ̆ng thoi noh, Pilat wă dêh achăng Yêsu. Mă-lei lu Juđê ôr pơret: “Dah ih achăng bơngai âu, ih jing pă buăl hăm 'bok pơtao tơm bơ̆n, Sêsar. Bơngai bu wă pôk akâu sư kơdih pơm pơtao, bơngai 'noh wă ayăt kơ 'bok pơtao tơm bơ̆n.”
