Luka 8:3 - Sơ̆p Hlabơar Nơ̆r 'Bok Kei-Dei

³ Yă Jôanna akăn Chusa. Chusa noh sư wei-lăng tơmam pơtao Hêrôt. Yă Susana păng kư̆m đei lơ drŏ-kăn nai dơ̆ng kiơ̆ hơdai Yêsu. Lu sư tơgŭm Yêsu păng lu bơngai pơhrăm păng Sư bơ̆n tơmam, bơ̆n jên.

Luka 8:3 交叉參考

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

Êsai 23:18

Mă-lei mŭk tơmam sư đei lơi yua noh gô klah 'măn kơ Kră Yang, sư ưh kơ đei mong dah tah 'măn ôn lê̆ ôh, yua kơ tơmam đei lơi noh gô yua lăm tơmam sa, ao hrŭk 'lơ̆ng kơ lu bơngai oei 'bơ̆t anăp Kră Yang.

Mathiơ 14:1

Kơplah noh pơtao Hêrôt kơtơ̆ng ang tơdrong mơsêh Yêsu. Pơtao Hêrôt kơplah noh sư pơgơ̆r dêh Galilê.

Mathiơ 14:3

Sơ̆ pơtao Hêrôt wơh đe năm rôp chô̆ Yôhan tah tơ lăm hnam phak, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh pơtao Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Mathiơ 14:6

Lăp trŏ năr đe tơpŭ kơ Hêrôt, đe sa et pơrŏ na kon adruh duch Hêrôđia mơ̆t suang tơ anih đe et sa, na pơtao Hêrôt lăp đon dêh.

Mathiơ 2:11

Lu sư mơ̆t lăm hnam na 'bôh hloi kon nge 'noh hăm mĕ Sư Mari. Lu sư sơtơ̆p kŭl-tăng kơkuh kơ Yêsu păng iŏk 'bar anăn pơgang 'bâu phu hăm maih đơ̆ng lăm kơdŭng lu sư pơyơ̆r kơ Yêsu.

Mathiơ 20:8

“Lăp truh 'năr mơ̆t boih, 'bok tơ'ngla mir ei khan kơ bơngai kai wei-lăng đe jang khan: ‘Krao lu sư bĕ, jah apah jên. Ih apah lu bơngai jang đơ̆ng rŏng hơdrol, lu bơngai jang hơdrol đơ̆ng rŏng.’

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Mathiơ 26:11

Lu bơngai dơnuh hin sư oei păng iĕm ling-lang, gah Inh ưh kơ oei păng iĕm ling-lang ôh.

Mathiơ 27:55

Kư̆m đei lơ lu drŏ-kăn oei tơ anih đe pơlôch Yêsu noh, lu sư lăng đơ̆ng ataih. Lu drŏ-kăn noh đêl kiơ̆ awih awăn kơ Yêsu đơ̆ng dêh Galilê.

Luka 24:10

Lu bơngai drŏ-kăn mă 'bôh tơdrong noh hei, anăn lu sư Mari đơ̆ng Pơlei Mađơla, Jôanna, hăm Mari mĕ bre Jôsê hăm Yakơ; păng kư̆m đei lu bơngai drŏ-kăn nai dơ̆ng mơ̆n kiơ̆ lu sư.

Yo 12:6

Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Philip 4:22

Đĭ-đăng kơ lu kon 'Bok Kei-Dei tơ nhôn kư̆m hơdai jet gia pơma dơnuh hăm iĕm mơ̆n. Mă loi lu bơngai mă jang lăm hnam 'bok pơtao Sêsar lu sư apơi kơ iĕm dêh.