Luka 4:41 - Sơ̆p Hlabơar Nơ̆r 'Bok Kei-Dei

⁴¹ Na Yêsu kư̆m pơpuh lơ lu yang kơnê̆ lĕch đơ̆ng akâu đe. Na yang kơnê̆ ei khan kơ Yêsu: “Ih boih Kon 'Bok Kei-Dei tơpă.” Mă-lei Yêsu khă lu yang kơnê̆ ei kuă ăn pơma, yua kơ lu sư băt kơ Yêsu 'Bok Krist gô wă tơbăt ăn Sư kơ đe.

Luka 4:41 交叉參考

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Mathiơ 4:3

Na yang Satan năm tơ Sư păng khan: “Dah Ih Kon 'Bok Kei-Dei tơpă, Ih kuă kơ kiơ sơkat kơ tơmo âu jing 'bĕng?”

Mathiơ 8:16

Lăp 'năr mơ̆t adrơ̆m kơsơ̆ ei đei lơ bơngai năm ba lu bơngai yang kơnê̆ mơ̆t pơm kơ sư wơnh. Na Yêsu pơma kơ lu yang kơnê̆ lăp minh nơ̆r đĕch, mă-lei lu yang kơnê̆ lĕch jăk hloi đơ̆ng akâu lu bơngai noh. Păng Sư kư̆m pơklaih dôm lu bơngai jĭ jăn nai.

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 1:25

Na Yêsu khă yang kơnê̆ ei thoi âu: “E 'nĕ pă pơma, e jah lĕch đơ̆ng akâu sư âu wăi.”

Markôs 1:32

Lăp 'năr mơ̆t adrơ̆m kơsơ̆ ei đe năm ba tơ sư dôm lu bơngai jĭ jăn păng lu bơngai yang mơ̆t.

Markôs 1:34

Yêsu pơklaih lơ bơngai jĭ jăn păng pơpuh lu yang kơnê̆ mă mơ̆t lăm bơngai. Sư khă lu yang kơnê̆ pơma tơbăt Sư kơ đe kơlih kơ lu yang ei băt kơ Sư.

Markôs 3:11

Tơ ei kư̆m đei lu bơngai yang mơ̆t sư 'bôh Yêsu, sư 'nap truh tơ teh 'bơ̆t anăp Yêsu păng pơma re 'bơ̆r khan: “Ih boih Kon 'Bok Kei-Dei tơpă.”

Luka 4:39

Na Yêsu năm tơ sư pơklaih hloi tơdrong jĭ sư 'nei. Na sư klaih hloi. Sư iung chă awih awăn kơ đe Yêsu.

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Ya 2:19

Lu iĕm mơ'nah khan lui đĕch kư̆m klaih mơ̆n hă? Iĕm kư̆ kơ lui đei minh pôm Kră Yang 'Bok Kei-Dei đĕch, trŏ boih, lu yang kơnê̆ kư̆m lui thoi noh mơ̆n, lu sư hli tơrơ kơ 'Bok Kei-Dei tơpă.