Luka 24:39 - Sơ̆p Hlabơar Nơ̆r 'Bok Kei-Dei

³⁹ Iĕm lăng rơka jơ̆ng ti Inh na iĕm kơnăl kơ Inh tơpă. Iĕm pel lăng akâu Inh wăi. Dah atâu ưh kơ đei akâu akar thoi Inh âu ôh.”

Luka 24:39 交叉參考

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?

Luka 23:46

Yêsu pơma 'bơ̆r re khan: “Ơ 'Bă, Inh pơjao ăn kơ Ih Bơhngol Inh.” Na lăp Sư pơma đang boih, na Yêsu kơtĕch jơhngơ̆m hloi.

Luka 24:38

Na Yêsu khan kơ lu sư: “Kơlih kơ kiơ iĕm hli păng ưh kơ wă lui kơ Inh iung arih đơ̆ng lôch?

Luka 24:40

Lăp Sư khan thoi noh na Sư tơ'bôh hloi kơ lu sư jơ̆ng ti Sư.

Yo 20:20

Đơ̆ng rŏng kơ pơma thoi noh, Yêsu tơ'bôh ti păng rơhiĕo Sư kơ lu đe noh. Lu bơngai pơhrăm 'bôh Kră Yang Yêsu, lu sư chhơp tơpă.

Yo 20:25

Thoi noh lu bơngai pơhrăm nai khan kơ Thôm: “Nhôn 'bôh boih Kră Yang bơ̆n Yêsu.” Mă-lei Thôm khan: “Dah inh ưh kơ 'bôh đêl rơka kơđĭnh tơ ti Sư, dah inh ưh kơ tŏt hơnglâu ti inh tơ đêl rơka noh, hăm ti inh ưh kơ tŏt tơ rơhiĕo Sư, lei inh ưh kơ lui.”

Yo 20:27

Păng Sư khan kơ Thôm: “Pel ti ih 'bơ̆t âu, lăng ti Inh păng chro ti ih tŏt 'bơ̆t rơhiĕo Inh. Ih 'nĕ pă sơngah, athei ih lui bĕ.”

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.

I Yo 1:1

Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.