39 'Bar 'nu bơngai yoch noh mă đe pơ̆ng hơdai păng Sư, na minh 'nu pơma pơjăm Sư thoi âu: “Ih 'Bok Krist mă 'Bok Kei-Dei wơh wă pơm Pơtao nhôn hă, na lei Ih kuă kơ kiơ pơklaih akâu Ih kơdih, đơ̆ng noh pơklaih nhi hai?”
'Bar 'nu bơngai tơtông mă đe pơ̆ng hơdai Yêsu kư̆m hơdai pơjăm Sư thoi noh mơ̆n.
Thoi Sư khan Sư 'Bok Krist Pơtao đe Isơrael, Sư athei jur kơdih đơ̆ng 'long pơglang dang ei hloi, na lu bơ̆n lui kơ Sư.” 'Bar 'nu bơngai mă đe pơ̆ng hơdai Yêsu kư̆m hơdai pơjăm Sư mơ̆n.
Lu kon pơlei pơla dơ̆ng 'bơ̆t ei wă lăng đe pơlôch Yêsu. Lu đe 'bok tih Juđê che bơle kơ Yêsu khan thoi âu: “Sư gơh pơklaih đe sơ̆, na dang ei dah Sư 'Bok Krist tơpă mă 'Bok Kei-Dei rơih wă pơm Pơtao bơ̆n lei lê̆ Sư pơklaih akâu Sư kơdih lăng.”
Na lu sư khan thoi âu: “Dah Ih Pơtao bơngai Juđê tơpă, lei Ih pơklaih akâu Ih kơdih lăng.”
Mă-lei gah bôl sư minh 'nu noh khă sư thoi âu: “E ưh kơ hli kơ 'Bok Kei-Dei hă? Đĭ-đăng kơ bơ̆n âu wă lôch kơ đe pơ̆ng bơ̆n yua kơ đe jô̆ bơngai yoch.
