Luka 23:30 - Sơ̆p Hlabơar Nơ̆r 'Bok Kei-Dei

³⁰ Hơtai ei kơnh đe gô khan kơ kông thoi âu: ‘Hiŏng tơlơ̆ kơpal nhôn âu bĕ.’ Na đe kư̆m khan kơ groi thoi âu mơ̆n: ‘Klơ̆p lê̆ nhôn bĕ.’

Luka 23:30 交叉參考

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!

Luka 23:31

Dah đe pơm kơnê̆ dang âu kơ Inh bơngai mă ưh kơ pơm yoch yua kơ Inh thoi lĕ kơ 'long adrih đĕch, bĭ đe gô pơm dang yơ kơ lu bơngai pơm yoch, yua kơ lu sư thoi lĕ kơ 'long ŭnh kro, ŭnh 'bônh kơ sa tơpă?”

Tơdrông Tơ'bôh 6:16

Đĭ lu sư khan: “Ơ kông, ơ tơmo, klơ̆p nhôn bĕ wă kơ nhôn huay pă 'bôh muh măt 'Bok Kei-Dei mă oei tơ tang-dŏ, hăm huay pă 'bôh muh măt Kon Triu hil kơ nhôn,

Tơdrông Tơ'bôh 9:6

Kơplah năr ei kơnh đĭ-đăng kon bơngai hmăng kơ dah lôch đĕch boih. Lu sư apơi kơ lôch, mă-lei ưh kơ lôch oei arih.