24 Lu bơngai pơhrăm păng Yêsu pơjah pơjăng dih băl kơ tơdrong lăm lu sư bu tih hloh kơ tơduă sư.
Hơtai noh lu bơngai pơhrăm păng Sư năm jet Sư khan: “Dôm lu bơngai 'Bok Kei-Dei pơgơ̆r bu pơm tih 'biơ̆?”
Lu sư thĕng ưh kơ pơ̆n roi kơ Sư, yua kơ kơplah rok trong hei lu sư pơma pơjah pơjăng dih băl tơpă, lu sư wă kơ băt bu pơm tih 'biơ̆ kơ tơduă lu sư.
Na lu bơngai pơhrăm păng Sư tơjet dih băl khan: “Bu lăm lu bơ̆n wă plĕch kơ Yêsu kih?”
Lu bơngai pơhrăm păng Yêsu oei pơjah dih băl bu lăm lu sư pơm tih 'biơ̆ kơ tơduă lu sư.
Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.
Bơngai bu 'mêm kơ 'Bok Kei-Dei hăm bôl buăl sư, đe pơm kơnê̆ kơ sư, sư hreh đĕch; sư iŏk tơdrong iơ̆m dim ling-lang, sư ưh kơ klai kơ đe, sư huay kơ pơang akâu kơ đe,
