Luka 20:36 - Sơ̆p Hlabơar Nơ̆r 'Bok Kei-Dei

³⁶ Lu sư thoi lĕ kơ lu linh jang 'lơ̆ng 'Bok Kei-Dei păng ưh kơ gơh lôch ôh. Lu sư kon 'Bok Kei-Dei, yua kơ 'Bok Kei-Dei tơiung arih sư đơ̆ng lôch.

Luka 20:36 交叉參考

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Hôsia 13:14

Inh gô dŏng pơklaih lu sư đơ̆ng tơdrong pran kơtang dêh atâu, păng gô pơklaih lu sư đơ̆ng tơdrong lôch. Ơ tơdrong lôch tơ yơ tơdrong lôch hơbuh gơh pơrăm? Ơ dêh atâu tơ yơ tơdrong ih gơh pơrăm. Inh pă gơh mơnat boih.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Mathiơ 22:30

Ning-mônh đĭ-đăng kon bơngai gô iung arih đơ̆ng lôch, đe ưh pă đei tơiŏk băl klo kăn dơ̆ng ôh, lu sư thoi lu linh jang 'lơ̆ng tơ plĕnh ti.

Markôs 12:25

Ning-mônh đĭ-đăng kon bơngai iung arih đơ̆ng lôch, đe ưh pă đei tơiŏk băl klo kăn dơ̆ng ôh, lu sư thoi lu linh jang 'lơ̆ng 'Bok Kei-Dei tơ plĕnh ti.

Rom 8:16

Yang Bơhngol 'Lơ̆ng, Sư oei lăm bơ̆n, Sư tơbăt ăn kơ bơ̆n hlôh gah tơdrong bơ̆n jing kon 'Bok Kei-Dei tơpă.

I Kor 15:26

Mă tuch-luch ning-mônh 'Bok Kei-Dei gô pơrăm tôm tơdrong kơnê̆ na bơ̆n ưh pă lôch dơ̆ng.

I Kor 15:42

Gah tơdrong iung arih đơ̆ng lôch kư̆m lei-lăi thoi noh mơ̆n. Akâu kon bơngai bơ̆n iung arih ning-mônh phara, ưh kơ thoi akâu bơ̆n mă oei arih dang ei ôh. Akâu bơ̆n lôch boih na đe 'bŭ akâu bơ̆n tơ teh, mưh 'Bok Kei-Dei tơiung arih bơ̆n ning-mônh Sư wă ăn kơ bơ̆n akâu 'nao pran kơtang ưh kơ layơ lôch.

I Kor 15:49

Kư̆m thoi bơ̆n đei kơdih boih akâu đơ̆ng 'Bok Kei-Dei man păng teh, na ning-mônh bơ̆n kư̆m đei lei-lăi thoi akâu Yêsu mă jur đơ̆ng plĕnh mơ̆n.

Philip 3:21

Sư gơh tơplih akâu bơ̆n đơ̆ng bơngai răm-'băm, jing thoi akâu Sư 'lơ̆ng rŏ; Sư gơh pơm tôm tơdrong yua kơ Sư mơsêh tăp pang mơyang tăp dăr.

Tơdrông Tơ'bôh 20:6

Dôm lu bơngai mă iung arih 'măng mă mônh noh lu sư hiôk tơpă, 'Bok Kei-Dei jô̆ kơ lu sư khan lu sư bơngai 'lơ̆ng hăm Sư, huay kơ lôch truh tơ mă 'bar. Lu sư gô pơm thoi lu 'bok soi jang tơdrong 'Bok Kei-Dei tơdrong 'Bok Krist. Păng lu sư gô pơgơ̆r hơdai 'Bok Krist kơplah lăm minh-rơbâu sơnăm ei kơnh.

Tơdrông Tơ'bôh 21:4

'Bok Kei-Dei sut pơgoh đak măt lu sư, lu sư ưh pă lôch dơ̆ng, lu sư ưh pă đei tơdrong nhơ̆m hmoi ơh sơ'ngon dơ̆ng ôh, ưh pă đei tơdrong jĭ jăn păn hnong, yua kơ chăl arih so hiong tôch boih.”

Tơdrông Tơ'bôh 22:9

Mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih mă pơtruh nơ̆r Sư păng thoi lu bơngai mă lui kiơ̆ kơ tơdrong chih lăm sơ̆p hla bơar âu. Ih athei kơkuh kơ 'Bok Kei-Dei đĕch trŏ.”