Luka 2:49 - Sơ̆p Hlabơar Nơ̆r 'Bok Kei-Dei

⁴⁹ Na Yêsu khan kơ mĕ 'bă Sư: “Biĕm chă kiơ kơ Inh jơ̆p-jang? Biĕm ưh kơ băt kơ Inh wă hăt kơ jang tơdrong 'Bă Inh âu dah kiơ?”

Luka 2:49 交叉參考

Horiso 40:8

Ơ Kră Yang 'Bok Kei-Dei, inh hiôk tơpă pơm kiơ̆ nơ̆r Ih. Khôi juăt Ih oei tơ lăm jơhngơ̆m inh.

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Mathiơ 21:12

Yêsu mơ̆t tơ hnam akŭm 'Bok Kei-Dei tơm, Sư 'bôh đe mơdro lăm hnam noh, na Sư pơpuh tơlĕch lu đe mă mơdro noh, tơlơ̆ tơpơ̆k lu gơ'bang lu đe tơplih băl jên. Lu tang-dŏ lu đe mă tĕch sem kơtơp Sư tơlơ̆ tơpơ̆k đĭ-đăng.

Luka 2:48

Lăp mĕ 'bă Yêsu 'bôh Sư tơ noh na bre sư chrêu kơ đon, na mĕ Sư khan kơ Sư thoi âu: “Ơ dăm, yua kơ kiơ Ih pơm kơ nhi thoi âu? Nhi 'bă Ih chă Ih tôch đon hli kơ Ih hiong.”

Yo 4:34

Yêsu khan kơ lu sư: “Tơmam sa Inh jơ̆ Inh athei pơm kiơ̆ kơ 'Bok Kei-Dei wơh Inh jang mă keh tơdrong Sư. 'Noh boih tơmam sa Inh.

Yo 5:17

Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Yo 5:36

Mă-lei Inh đei minh 'nu tih hloh kơ Yôhan, Sư tơbăt ăn kơ iĕm tơdrong Inh. Na dôm tơdrong mơsêh mơyang đơ̆ng Sư ăn kơ Inh, na Inh bơ̆jang ahrei âu, dôm tơdrong noh wă kơ iĕm băt 'Bă Inh wơh Inh tơpă.

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Yo 8:29

'Bă Inh mă wơh Inh, Sư oei hơdai păng Inh ling-lang. Sư ưh kơ achăng lê̆ kơdrô̆ Inh ôh, yua kơ Inh ling-lang pơm trŏ thoi Sư wă.”

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.