Luka 19:27 - Sơ̆p Hlabơar Nơ̆r 'Bok Kei-Dei

²⁷ Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Luka 19:27 交叉參考

II Sam 23:7

Bơngai bu hơtŭt 'bơm lu sư, athei đei tơmam hăm bơsei, dah 'long, tơju. Ŭnh sa lu sư lek hach kơtă anih noh hloi.

Horiso 109:20

Rŏ kơ Kră Yang pơm 'mong thoi noh kơ lu bơngai mă pơm kơnê̆ kơ inh. Păng lu bơngai mă pơma kơnê̆ kơ bơhngol inh.

Horiso 2:9

Ih gô Pơgơ̆r lu sư hăm 'long jra mam; Ih gô teh pơchah lê̆ lu sư thoi gŏ teh.”

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Êsai 66:6

Đei re jơwa lăm pơlei tih; đei re jơwa đơ̆ng hnam akŭm noh re jơwa nơ̆r Kră Yang pơm tơwih kơ lu bơngai ayăt kơ Sư.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Na 1:8

Gah lu bơngai ayăt kơ Kră Yang đak lơ̆p pơrăm anih lu sư păng druh lu ayăt kơ Sư kơdâu mơ̆t lăm tơdrong măng mu.

Mathiơ 22:7

Thoi noh na 'bok pơtao ơh tơpă, sư wơh lu linh sư năm pơlôch đĭ-đăng lu bơngai mă pơlôch lu bơngai jang kơ sư ei păng soh rông chhông hnam kon pơlei pơla lu sư.

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Luka 20:16

Sư gô năm pơlôch pơđĭ lu bơngai noh, na sư pơjao ăn kơ lu bơngai nai jang dơ̆ng.” Lăp lu bơngai mơ̆ng Yêsu bơtho kơtơ̆ng thoi noh, na lu sư khan: “Apinh 'Bok Kei-Dei 'nĕ ăn tơdrong noh truh tơ nhôn.”

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Hêbrơ 10:13

Sư oei tơ noh tơ̆p 'Bok Kei-Dei blah rôp lu bơngai mă ayăt kơ Sư, tơ kơnơl jơ̆ng Sư.

I Sam 11:12

Kon pơlei apinh Samuel: Đe bu khan: Sôl khan wă pơm pơtao pơgơ̆r bơ̆n hah? Apinh ih pơjao lu bơngai 'noh ăn kơ nhôn pơlôch bĕ.