Luka 17:5 - Sơ̆p Hlabơar Nơ̆r 'Bok Kei-Dei

⁵ Lu jơ̆ng 'bang Kră Yang Yêsu khan kơ Sư: “Apinh Ih tơgŭm nhôn lui kơ 'Bok Kei-Dei kơjăp.”

Luka 17:5 交叉參考

Markôs 6:30

Lu bơngai mă Yêsu wơh năm chă bơtho đe ki, lu sư brŏk akŭm tơ Sư boih, na roi kơ Sư dôm tơdrong lu sư pơm păng bơtho.

Markôs 9:24

'Bă bơngai 'lơ̆p yang kơnê̆ mơ̆t ei pơma hloi 'bơ̆r re khan: “Inh lui mơ̆n mă-lei oei rơdu. Apinh Ih pơm ăn kơ inh lui mă kơjăp.”

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Luka 7:19

Đơ̆ng noh na Yôhan krao 'bar 'nu bơngai pơhrăm păng sư, wơh bre sư năm tơ Kră Yang Yêsu wă jet Sư thoi âu: “Ih hăm trŏ kơ 'Bok Krist mă Yôhan khan gô truh, dah nhôn oei gô bơngai nai dơ̆ng?”

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.