Luka 12:1 - Sơ̆p Hlabơar Nơ̆r 'Bok Kei-Dei

¹ Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Luka 12:1 交叉參考

II Pot 7:17

Pơtao đei ăn bơih kơ yŏng linh, bơngai mă oei lăm anih pơtao noh, ăn sư gak 'măng dur pơlei, mă-lei kon pơlei juă ok ba sư 'bơ̆t 'măng dur ei, na sư lôch hloi, thoi nơ̆r Kră Yang 'Bok Kei-Dei mă Êlisê đei khan lê̆ adrol, kơplah pơtao năm tơ'bơ̆p sư.

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Jop 27:8

Lu bơngai ưh kơ lui đei chang hơmĕng kiơ mưh chăl arih âu tôch, Mưh Kră Yang 'Bok Kei-Dei pơdrâu lê̆ tơdrong arih lu sư?

Jop 36:13

Jơhngơ̆m lu bơngai ưh kơ lui răk mong tơdrong hil blĕk Kră Yang phak lu sư Kŭm oei ưh kơ krao apinh dŏng pơklaih.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Luka 11:44

Ning-mônh iĕm pơmat-tat dêh. Iĕm dang lĕ bơsat juơ, đe ưh kơ băt na đe juă 'bơm kơpal noh. Đe lăng iĕm tơ 'ngoaih thoi lĕ kơ 'lơ̆ng ră, mă-lei lăm to iĕm kơnê̆.”

Luka 12:56

Ơ lu bơngai hơlĕnh, iĕm kơnăl kơ plĕnh wă 'mi dah 'năr wă tŏ ră, mă-lei liơ iĕm pơm ưh kơ băt kơ 'Bok Kei-Dei wă pơgơ̆r lu iĕm dang ei ră?

Luka 5:1

Minh năr ei Yêsu oei tơ jih đak dơsĭ Galilê mă đe kư̆m anăn dơsĭ Gênêsaret, na lu đe tơpôl hmĕt hmot Sư yua kơ wă mơ̆ng Sư bơtho tơdrong 'Bok Kei-Dei.

Luka 5:15

Yêsu kuă ăn kơ đe băt tơdrong Sư pơklaih bơngai noh hei ră, mă-lei đe kơtơ̆ng ang tơdrong noh jơ̆p-jang hloi. Na đei lơ bơngai năm wă mơ̆ng Sư bơtho păng wă kơ Yêsu pơklaih jĭ jăn lu sư mơ̆n.

Luka 6:17

Yêsu đơ̆ng groi kông ei jur tơ teh dơhnă hơdai hăm lu bơngai pơhrăm păng Sư. Na kư̆m đei lơ bơngai nai mă lui kiơ̆ Sư oei tơ ei mơ̆n. Kư̆m đei lơ bơngai nai năm tơ ei đơ̆ng jơ̆p kơ dêh Juđê, mơ'nah đơ̆ng Pơlei Jêrusalem, mơ'nah đơ̆ng Pơlei Tirơ păng Pơlei Siđôn mă oei kiơ̆ jih đak dơsĭ. Lu đe ei năm tơ Sư wă mơ̆ng Sư bơtho păng kư̆m wă kơ Yêsu chă pơklaih tơdrong jĭ jăn lu sư hloi.

Jang 21:20

Hlôi sư pơma đang boih na lu sư khan bơnê kơ Kră Yang 'Bok Kei-Dei. Klaih kơ noh lu sư khan kơ Pôl: “Ơ oh, ih băt boih đei dôm rơbâu 'nu bơngai Juđê lui kơ Kră Yang Yêsu boih. Đĭ-đăng lu sư adrin kiơ̆ tơdrong juăt Môis ngăl.

I Kor 15:3

Inh bơtho kơ iĕm sơ̆ tơdrong mă kăl dêh đêl Kră Yang Yêsu Krist ăn kơ inh, khan 'Bok Krist lôch yua kơ tơdrong yoch bơ̆n 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei.

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

I Pet 2:1

Thoi noh na bơ̆n 'nĕ pă pơm dôm tơdrong kơnê̆, dôm tơdrong hơlĕnh pơdăr kơ đe, 'nĕ kơ 'nhĕng đe, 'nĕ kơ bâu roi pơjăm đe.