Luka 11:48 - Sơ̆p Hlabơar Nơ̆r 'Bok Kei-Dei

⁴⁸ Lu 'bok iĕm sơ̆ pơlôch lu sư na iĕm dang ei pơm hơmet ming bơsat lu sư dơ̆ng. Thoi noh iĕm kư̆m băt kơ 'bok iĕm pơlôch lu sư mơ̆n sơ̆ păng iĕm dang khan lu 'bok iĕm sơ̆ pơlôch lu sư khan trŏ.

Luka 11:48 交叉參考

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Jop 15:6

'Bơ̆r ih kơdih jâu ih yoch, ưh kơ sĭ kơ inh ôh; Hơkŭng ih pơm kơdranh tơ'bôh plơ̆ kơ ih.

Horiso 64:8

Kră Yang gô pơlôch lu sư, hơpiĕt lu sư gô blah plơ̆ lu sư kơdih; Đĭ-đăng lu bơngai 'bôh lu sư gô tơtreh kơ̆l.

Êsêkiên 18:19

Lu iĕm đei jet: “Liơ kon sư ưh kơ pŭ tơdrong yoch kơnê̆ 'bă sư? Dah đei bu pơm 'lơ̆ng tơpăt pơm kiơ̆ khôi juăt Inh, tơpă sư gô đei tơdrong arih.

Mathiơ 23:27

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Lăng akâu iĕm rŏ thoi bơsat đe 'nao pơm, mă-lei lăm to đei atâu ôm.

Mathiơ 23:31

Iĕm krao lu sư yă 'bok noh trŏ tơpă yua kơ iĕm oei wă pơm thoi lu sư.

Luka 11:47

Ning-mônh iĕm pơmat-tat dêh. Dang ei iĕm pơm chă pơrŏ hơmet ming lu bơsat lu bơngai mă pơtruh nơ̆r 'Bok Kei-Dei sơ̆, mă-lei lăm to iĕm kư̆m thoi lu đe 'bok iĕm mă pơlôch lu sư sơ̆ mơ̆n.

Luka 11:49

Thoi noh na 'Bok Kei-Dei mă hơgei tôm tơdrong khan thoi âu: ‘Inh gô wơh lu bơngai pơtruh nơ̆r Inh păng lu bơngai jơ̆ng 'bang Inh năm bơtho lu sư, na 'blep kơ lu sư areh pơm kơnê̆ kơ lu sư phŏ kư̆m pơlôch.’

Rom 1:32

Bơ̆n băt kơ ning-mônh 'Bok Kei-Dei wă phak dôm lu bơngai thoi noh ră, mă-lei bơ̆n kư̆m oei pơm khŏm khŏm thoi noh. Bơ̆n 'bôh đe pơm yoch thoi noh, bơ̆n khan tơdrong 'lơ̆ng tơdrong trŏ.

Ya 5:10

Ơ 'nhŏng oh, bơ̆n athei adrin pơm kiơ̆ thoi lu bơngai pơtruh nơ̆r 'Bok Kei-Dei sơ̆ bĕ; yua kơ sơ̆ đe pơm kơ lu sư lơ tơdrong pơmat-tat, mă-lei lu sư ưh kơ achăng lê̆ tơdrong lui ôh.

Jôsuê 24:22

Kơplah noh, Jôsuê khan hăm kon pơlei: Lu iĕm pơm kơdranh kơdih lu iĕm khan lu iĕm hlôi rơih iŏk boih Kră Yang wă chu yom kơ Sư. Kon pơlei tơl: Ơ, Lu nhôn pơm kơdranh tơdrong noh.