Luka 11:46 - Sơ̆p Hlabơar Nơ̆r 'Bok Kei-Dei

⁴⁶ Na Yêsu khan dơ̆ng: “Ơ lu thây bơtho tơdrong juăt đe Juđê, ning-mônh iĕm kư̆m pơmat-tat dêh mơ̆n. Lu iĕm pơkă kơ đe lơ tơdrong juăt kiơ̆ kơ lu iĕm tơchĕng kơdih, kư̆m dang lĕ iĕm tơpŭ kơ đe tơmam trăp hloh kơ ai tơ̆p pă kĕ gơrŭn, mă-lei iĕm kơdih kư̆m ưh kơ đei tơgŭm sư hơya tŏ sĕt.

Luka 11:46 交叉參考

Êsai 10:1

Răm-'băm tơpă kơ lu bơngai pơm khôi juăt glăi păng lu bơngai chih khôi juăt pơjuă pơđep,

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Mathiơ 22:35

Na đei minh 'nu bơngai khŭl Pharisi, sư pơm thây bơtho tơdrong juăt đe Juđê, sư năm jet pơlong lăng Yêsu thoi âu:

Luka 11:45

Đei minh 'nu 'bok thây bơtho tơdrong juăt đe Juđê oei 'bơ̆t ei, sư khan kơ Yêsu: “Ơ 'Bok Thây, Ih pơma thoi noh Ih kư̆m dang pơjăm nhôn mơ̆n.”

Luka 11:52

“Ơ lu thây bơtho đe Juđê, ning-mônh iĕm pơmat-tat dêh, yua kơ dang ei iĕm ưh kơ wă ăn kơ đe băt tơdrong 'Bok Kei-Dei mă 'blep. Iĕm dang lĕ đei khuă gơh mơ̆t tơ hnam 'Bok Kei-Dei pơhrăm tơdrong Sư, mă-lei iĕm ưh kơ wă pơih 'măng mơ̆t kơdih păng kư̆m kuă ăn đe mơ̆t mơ̆n.”

Galati 6:13

Lu bơngai wă pơgŏ iĕm noh, sư kăt tơdra akar sư kơdih mơ̆n mă-lei sư ưh kơ kiơ̆ tơdrong juăt Môis tơpă ôh. Lu sư wă kơ iĕm kăt tơdra akar iĕm kơdih đĕch păng sư wă pơma pơang kơ đe khan sư bơtho lơ bơngai chu kăt tơdra akar tơpă.