47 Đe roi ăn kơ Abimêlek băt lu kon pơlei oei lăm hnam thôt Sichem oei pơđâu băl lăm noh;
Kơplah lu kon pơlei oei lăm hnam thôt pơlei Sichem kơtơ̆ng thoi noh na lu sư mơ̆t tơ lăm kơđông kơjăp hnam yang El Bêrit.
Abimêlek tŏk tơ kông Salmôn, hăm lu linh kiơ̆ sư. Sư chĕp ba sung, sư koh lu dơng 'long, na tôi tơ hơngiĕng; na sư khan kơ lu linh kiơ̆ sư: “Lu iĕm hăm 'bôh inh pơm ưh? Jah pơm bĕ thoi inh pơm boih.”
