18 Mưh inh păng lu bơngai kiơ̆ inh hlôm tơgiĕp, lu iĕm kư̆m hlôm tơgiĕp tơ tăp dăr kơđông Miđian păng jreo: Yua Kơ Kră Yang păng yua Kơ Giđêôn!
Na Giđêôn pơkă khan: Iĕm lăng tơ inh, Inh pơm kiơ iĕm pơm kiơ̆ thoi inh; mưh inh năm tơ jê̆ kơđông ayăt, inh pơm thoi yơ lu iĕm pơm kiơ̆ thoi noh.
Giđêôn păng minh-hrĕng 'nu bơngai kiơ̆ sư năm truh tơ anih linh gak kơđông; kơplah lu sư 'nao tơplih băl gak mă 'bar kơmăng. Lu sư hlôm tơgiĕp păng teh pơchah bơ̆i mă lu sư chĕp tơ ti.
Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.
