Lu 7:16 - Sơ̆p Hlabơar Nơ̆r 'Bok Kei-Dei

¹⁶ Sư klah asong pêng-hrĕng 'nu bơngai noh pơm pêng khŭl, sư asong ăn kơ rim 'nu bơngai linh chĕp tơgiĕp păng bơ̆i hoh lăm noh tah minh hơchô̆ hơpaih wă tơ̆k.

Lu 7:16 交叉參考

Bl 14:15

Thoi noh Abram klah asong lu đam sư, wơh năm wang lu linh ayăt kơmăng blah puh truh tơ teh đak Hôba gah yă-nơ̆m kơ pơlei Đamas.

II Sam 18:2

Đawit gơih khŭl linh sư năm. Klah asong pêng khŭl, ăn kơ Jôap iŏk pơgơ̆r minh khŭl. Abisai, kon Sêruia, oh Jôap iŏk pơgơ̆r minh khŭl; Itai, bơngai Gat iŏk pơgơ̆r minh khŭl, pơtao pơma pơkă hăm khŭl linh khan: “Inh kư̆m gô năm tơblah hơdai hăm lu iĕm.”

II Kor 4:7

Tơdrong jang mă Sư pơjao kơ nhôn jang âu dang lĕ kơ tơmam hu, tơmam maih pơ'mêm tah lăm bô̆i teh mă 'bônh kơ pơchah. 'Bok Kei-Dei ăn kơ nhôn jang pran noh Sư wă kơ đe băt đơ̆ng Sư ăn, đơ̆ng 'Bok mă mơsêh mơyang, ưh kơ sĭ đơ̆ng nhôn kơdih ôh.

Lu 7:15

Lăp Giđêôn kơtơ̆ng roi kơ tơdrong apo păng kơtơ̆ng nơ̆r tơlang kơ tơdrong apo noh, na sư drap kơkuh kơ Kră Yang 'Bok Kei-Dei. Na sư wih brŏk tơ kơđông linh bơngai Isơrael păng khan: Iung bĕ, yua kơ Kră Yang pơjao boih linh bơngai Miđian lăm ti lu iĕm!

Lu 7:17

Na Giđêôn pơkă khan: Iĕm lăng tơ inh, Inh pơm kiơ iĕm pơm kiơ̆ thoi inh; mưh inh năm tơ jê̆ kơđông ayăt, inh pơm thoi yơ lu iĕm pơm kiơ̆ thoi noh.

I Sam 11:11

Mă-lei pơgê dơning, Sôl klah asong kon pơlei pơm pêng khŭl, năm blah đe Ammôn păng pơlôch đĭ lu sư dĭng truh tơ 'năr dơ̆ng. Lu kon pơlei Ammôn kơdâu hơlah hơlang kơdih kơdih.