20 Na sư khan kơ yă ei dơ̆ng: Athei dơ̆ng bĕ 'bơ̆t 'măng bơsŭn ih, tơdah đei bu apinh ih, tơ âu hăm đei bu ưh, tơl ưh kơ đei bơngai bu.
Lu đĭch đam Apsalôm năm tơ hnam bơngai drŏ-kăn 'nâu na jet khan: “Ahimaas păng Jônathan tơ yơ?” Bơngai drŏ-kăn ei tơl khan: “'Bar 'nu bre sư năm tŏk hlôi kơ đak glung boih.” Lu linh druh kiơ̆ chơchă, mă-lei ưh kơ đei tơ'bơ̆p, na wih dơ̆ng tơ Jêrusalem.
Sư pơma hăm yă ei khan: Inh apinh ih song inh đak nhă tŏ sĕt, inh 'maih nhă dêh. Yă ei iŏk get akar đak toh rơmo ăn kơ Sisêra nhă; đơ̆ng noh tơsu kơ sư khăn dơ̆ng.
Đơ̆ng noh Sisêra tep hiơt, yua kơ lap dêh. Jăl akăn Hêber iŏk minh pơm 'long hơdrơ̆ng pơm bơsŭn na ti sư chĕp mut yak hơdar hơdeh năm jê̆ na pơ̆ng 'bơ̆t tơ'ngăp sư, klĕch hlôi truh tơ teh Sisêra lôch hloi, kơtă.
