Lu 3:8 - Sơ̆p Hlabơar Nơ̆r 'Bok Kei-Dei

⁸ Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.

Lu 3:8 交叉參考

Bl 24:10

Đơ̆ng noh, đam sư rôp mơjĭt tŏ aseh lăk-đa yŏng tơ'ngla sư păng chĕp ba dôm tơmam đơ̆ng yŏng tơ'ngla sư, jao ăn, na iung yak tơ char Mesôpôtami truh tơ pơlei Nahôr,

Horiso 106:41

Na Sư pơjao lê̆ lu sư lăm ti lu bơngai dêh tơmoi, Ăn lu bơngai mă areh kơ lu sư pơgơ̆r lu sư.

Horiso 129:1

“Đơ̆ng kơplah inh oei 'lơ̆p lu sư ngăl juăt pơjuă pơđep inh,” Isơrael athei pơma thoi noh.

Horiso 44:12

Ih tĕch boih kon pơlei Ih ưh kơ kăp, Păng lăng lu sư ưh kơ gĭt.

Horiso 6:1

Ơ Kră Yang! 'Nĕ chrih kơ inh lăm năr Ih blĕk, 'Nĕ kơ bơtho pơjĭ inh lăm năr Ih hil!

Horiso 85:3

Ih lê̆ boih tơdrong hil mĭl, iŏk lê̆ boih tơdrong Ih blĕk tơtŏ.

Le 22:24

Inh hil mĭl dêh; gô pơlôch lu iĕm, hăm đao gưm na akăn lu iĕm gô adro păng kon lu iĕm gô mơti.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Habakuk 3:7

Inh 'bôh anih oei char Kusan đei tơdrong pơmat-tat. Anih hnam char Midian tơdrŏ pơpơ̆.

Rom 7:14

Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

Lu 2:20

Yua kơ thoi noh Kră Yang blĕk kơ bơngai Isơrael păng Sư khan thoi âu: Yua kơ lu bơngai âu ưh kơ chu kiơ̆ nơ̆r Inh pơkă kơ yă 'bok lu sư păng lu sư kư̆m ưh kơ chu mơ̆ng kiơ̆ nơ̆r Inh khan,

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

Lu 3:7

Kon pơlei Isơrael pơm tơdrong kơnê̆ 'bơ̆t anăp Kră Yang, hiơt kơ Kră Yang 'Bok Kei-Dei lu sư, bơ̆jang kơkuh kơ rup yang Baal păng yang Asêrôt.

Lu 3:9

Mă-lei mưh lu kon pơlei Isơrael krao ôr apinh Kră Yang na Kră Yang rơih ăn kơ lu sư minh 'nu bơngai dŏng pơklaih, noh anăn sư Ôtniêl, kon drŏ-nglo Kênas, oh tơtil Kalep; bơngai ei dŏng pơklaih lu sư.

Lu 4:9

Yă ei tơl, sĭt tơpă inh gô năm hơdai hăm ih; mă-lei trong ih yak năm 'nâu ưh kơ đei ư-ang kơ ih ôh, yua kơ Kră Yang gô pơjao Sisêra lăm tơpang ti minh 'nu bơngai drŏ-kăn. Thoi noh Đêbôra iung yak năm hơdai hăm Barak truh tơ pơlei Kiđes.

I Sam 12:9

Mă-lei lu sư hiơt kơ Kră Yang 'Bok Kei-Dei lu sư, na Sư ăn lu sư kơ Sisêra, yŏng lu linh kơ pơtao đe Hasor, ăn lu sư lăm ti đe Philistin păng ăn kơ pơtao Môap; lu đe noh tơblah pơrăm lu sư.