Lu 21:10 - Sơ̆p Hlabơar Nơ̆r 'Bok Kei-Dei

¹⁰ Na đơ̆ng khŭl akŭm wơh mơjĭt-'bar rơbâu 'nu lu bơngai nuih kơtang hloh năm tơ pơlei Gileat păng pơkă kơ lu sư: Năm bĕ, pơlôch đĭ kon pơlei Jabes tơ Gileat, hăm đao gưm pơlôch đĭ lu bơngai drŏ-kăn păng lu 'lơ̆p;

Lu 21:10 交叉參考

Jo 31:17

Thoi noh dang ei, pơlôch bĕ đĭ lu kon drŏ-nglo hơ'lơ̆p păng pơlôch đĭ hloi lu bơngai drŏ-kăn mă đei 'bĭch hăm drŏ-nglo boih;

Both 13:15

iĕm athei iŏk đao gưm pơlôch đĭ lu bơngai lăm pơlei tih noh. Athei pơrăm đĭ-đăng lu bơngai păng lu sem dơrong.

Jôsuê 7:24

Jôsuê păng đĭ-đăng kon pơlei Isơrael rôp Akan, sâu Sêra, iŏk Hu, ao tai, tơpei Maih, lu kon drŏ-nglo, drŏ-kăn sư, lu rơmo, aseh iĕ, triu păng hnam bơsŭn păng đĭ kơ dôm tơmam sư, chông chĕp ba sư tơ lăm thŭng pŭng-lŭng Akôr.

Lu 21:5

Na lu kon pơlei Isơrael khan: Lăm lu adrĕch bơngai Isơrael bu mă ưh kơ đei akŭm hơdai bơ̆n 'bơ̆t anăp Kră Yang tơ âu? Lu sư khan thoi noh yua kơ lu bơngai Isơrael đei pơkă pơkăm boih: Bơngai bu mă ưh kơ năm truh akŭm tơ Mispa 'bơ̆t anăp Kră Yang, bơngai 'noh đe gô pơlôch sư!

Lu 21:8

Đơ̆ng noh lu sư khan? Lăm dôm lu bơngai Isơrael bơngai bu ưh kơ đei năm dơ̆ng 'bơ̆t anăp Kră Yang tơ Mispa? Đơ̆ng pơlei Jabes tơ Gileat ưh kơ đei bu năm akŭm hơdai lăm năr noh.

Lu 21:9

Yua kơ kơplah đe jơ̆ đĭ-đăng pơlei ưh kơ đei 'bôh bơngai bu đơ̆ng pơlei Jabes tơ Gileat.

Lu 5:23

Linh jang Kră Yang khan: Hiap bĕ kon pơlei Mêrơs; Hiap bĕ lu kon pơlei sư mă kơnê̆. Yua kơ lu sư ưh kơ wă tơgŭm Kră Yang, Lu sư ưh kơ đei tơgŭm Kră Yang blah lu bơngai mă pơm kơnê̆ dêh!

I Sam 11:7

Sư rôp minh hơgrop rơmo, sư kăt soch lê̆ na wơh bơngai chă asong jơ̆p-jang kơ dêh char Isơrael păng hăm nơ̆r tơbăt: Bơngai bu ưh kơ wă kiơ̆ Sôl păng Samuel, na lu rơmo lu sư kư̆m gô kăt soch thoi noh mơ̆n. Kră Yang pơm kơ kon pơlei băt hli kơ Sôl, na đĭ-đăng lu sư năm kiơ̆ sư.

I Sam 15:3

Thoi noh, na năm bĕ blah kon pơlei Amalek păng pơlôch pơđĭ lu sư sem dơrong lu sư. Lu iĕm ưh kơ gơh mơnat kơ lu sư, athei pơlôch đĭ drŏ-nglo drŏ-kăn, păng lu 'lơ̆p lu nge oei mŏm, rơmo triu, lăk-đa păng aseh iĕ.