Lu 16:2 - Sơ̆p Hlabơar Nơ̆r 'Bok Kei-Dei

² Lu kon pơlei Gasa: Chă tơroi dih băl Samsơn truh tơ âu boih. Lu sư wang tăp dăr kơ anih noh, lu sư răp prăt măng 'bơ̆t 'măng jang; lu sư oei hreh prăt măng, lu sư khan: Bĕ bơ̆n răp truh tơ hơdah na bơ̆n gô rôp pơlôch sư.

Lu 16:2 交叉參考

Mathiơ 21:38

Lăp lu bơngai jang mơng 'bôh kon 'bok tơ'ngla mir truh tơ lu sư, lu sư pơđâu dih băl khan: ‘Bơngai âu boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Mathiơ 27:1

Lăp 'brưch hơdah til pơgê đĭ-đăng lu 'bok soi tih păng lu đe kră sek tơlang chă đon wă pơlôch Yêsu.

Luka 21:20

Yêsu oei bơtho lu sư thoi âu: “Lăp iĕm 'bôh linh lơ tơpă oei tăp dăr kơ Pơlei Jêrusalem, lei iĕm băt kơ lu sư wă jê̆ mơ̆t blah lăm pơlei iĕm pơchah pơchek đĭ.

Jang 23:15

Na dang ei nhôn wă kơ iĕm apinh 'bok tih linh ăn kơ Pôl năm tơ lu iĕm, khan iĕm wă pơma tơdrong Pôl dơ̆ng. Na lăp lu linh năm ba sư oei năm rok trong, na lu nhôn wă răp pơlôch Pôl hloi.”

Jang 9:24

Lu sư gak lăng 'măng tơm pơlei prăt măng prăt năr wă rôp pơlôch Sôl. Mă-lei Sôl kơtơ̆ng thoi noh.

Lu 15:18

Yua kơ sư rơhing 'maih nhă đak dêh na sư krao apinh Kră Yang khan: “Ih ăn boih kơ đĭch đam ih tơdrong jơnei tih dêh âu, na dang ei inh wă lôch ngôi rơhing đak, na kư̆m wă huŏng 'bônh lăm ti lu bơngai ưh kơ chu kăt tơdra akar hă?”

Lu 16:3

Mă-lei Samsơn tep tơ noh truh tŏk-bŏk măng, sư iung, sư buch tôi ba tơ hơngiĕng sư hloi 'bar pah 'măng dur păng 'bar tŏ jrăng, chĕp ba tơ kơ̆l kông tơklă Hêbrôn.

I Sam 19:11

Sôl wơh bơngai năm răp tơ hnam Đawit wă kơ pơgê đơ̆ng rŏng noh gơh pơlôch sư hloi, mă-lei Mikal akăn Đawit roi ăn kơ sư băt: Tơdah măng 'nâu ih ưh kơ kơdâu klĕnh, na pơgê dơning đe gô pơlôch ih.

I Sam 23:26

Sôl tŏk kông pah âu, Gah Đawit hăm khŭl kiơ̆ sư tŏk kông pah to. Đawit hăt hot kơdâu ôn wă kơ gơh klaih lĕch hlôi đơ̆ng Sôl. Sôl păng lu đĭch đam sư rai jê̆ wang tăp dăr kơ Đawit hăm lu bơngai kiơ̆ sư wă rôp lu sư.