11 Sư 'buh lê̆ sĕch hăm akar tơ 'nguaih kơ kơđông.
đơ̆ng noh lu sư anhăk ba rơmo dăm noh lĕch tơ 'nguaih kơđông, na 'buh pơyơ̆r thoi sư 'buh pơyơ̆r rơmo dăm adrol ki mơ̆n, noh Jơ̆ tơmam soi huai đơ̆ng yoch kơ lu khŭl akŭm.
Oei pă lu akar, sĕch sư, ĭch sư, chĕp ba soh lê̆ tơ 'nguaih kơđông, kiơ̆ thoi nơ̆r Kră Yang 'Bok Kei-Dei đei pơkă kơ Môis.
Sư iŏk soh pơyơ̆r rơmă, 'bar tŏ boh-lăn păng mơ'nhao hơtăng lom klơm kon sem tơmam soi huai đơ̆ng yoch, pơyơ̆r tơ chơnang soi, kiơ̆ thoi Kră Yang tơtă bơih kơ Môis.
Đơ̆ng noh sư pơlôch kon sem pơm tơmam soi 'buh; lu kon drŏ-nglo Arôn chĕp ba kơ sư pham, na sư săi pham noh tăp dăr kơ chơnang soi.
