Lêwi 26:6 - Sơ̆p Hlabơar Nơ̆r 'Bok Kei-Dei

⁶ Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Lêwi 26:6 交叉參考

II Pot 2:24

Êlisê hue lăng lu hơ'lơ̆p ei păng sư yua hăm anăn Kră Yang na hiap lu sư. Na pluơk pluak 'bar tŏ chơgơu akăn lĕch đơ̆ng 'nhĕt, châu hek hok lê̆ puăn-jĭt 'bar 'nu lăm lu hơ'lơ̆p ei.

I Ho 22:9

Ih gô đei minh 'nu kon drŏ-nglo; sư gô jing minh 'nu bơngai drŏ-nglo hiôk rơnŭk, inh gô ăn kơ sư rơnŭk rơnua păng ăn pơdơh đơ̆ng đĭ-đăng ayăt tăp dăr kơ sư. Krao anăn sư Sôlômôn, Inh gô ăn tơdrong hiôk rơnŭk kơ lu bơngai Isơrael lăm chăl sư pơgơ̆r.

II Ho 20:30

Thoi noh, dêh char pơtao Jêhôsaphat hiôk-hian rơnŭk rơnua, yua kơ Kră Yang 'Bok Kei-Dei ăn kơ sư pơdơh hiôk-hian puăn pah.

Jop 11:19

Ih gô 'bĭch tep ưh kơ đei bu pơm kơ ih hli tơrơ, lơ bơngai gô chă ih wă kơ ih tơgŭm lu sư đei pŭn hiôk.

Jop 5:23

Mir chŭn ih choh huay kơ tơmo păng lu sem bri brah oei hiôk hăm ih.

Horiso 144:14

Ăn kơ rơmo lu nhôn chek lar rai lơ. 'Nĕ kơ ăn 'lih păng huay kơ lôch hiong. Dah đei nơ̆r ôr pơmat tơ rok trong pơlei tih lu nhôn.

Horiso 147:14

Sư tơjruh tơdrong hiôk-hian kơ hơdral dêh char ih; Tuh ăn kơ ih đei 'bĕnh blai kơ 'ba mi mă 'lơ̆ng hloh.

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Horiso 3:5

Inh 'bĭch đơ̆ng noh tep hiôk; Inh hơđơ̆r, yua kơ Kră Yang râu tơiung inh.

Horiso 4:8

Ơ Kră Yang, inh gô 'bĭch păng tep hiôk-hian; Yua kơ lăp minh 'nu Ih đĕch ăn kơ inh oei hiôk rơnŭk.

Horiso 85:8

Inh gô mơ̆ng dôm tơdrong kiơ Kră Yang 'Bok Kei-Dei khan; Sư gô ăn hiôk-hian kơ kon pơlei pơla Sư păng ăn kơ lu bơngai lui yom kơ Sư, Mă-lei 'nĕ pă lê̆ lu sư hơlơ̆k pơm kơtul kơwao dơ̆ng

Le 23:29

Inh gô ưh kơ puh lê̆ lu sư weh đĭ hloi lăm minh sơnăm ôh, kơnh hli kơ dêh char noh jing bri juơ păng dôm lu sem bri rai chek lar rai lơ gô pơrăm iĕm;

Tơdrông Pơđơk 3:24

Kơplah ih 'bĭch ưh kơ đei hli kiơ. Kơplah ih 'bĭch tep, ih gô tep hiôk-hian.

Tơdrông Pơđơk 6:22

Mưh ih yak, sư gô ba ih; Kơplah ih tep, sư gô wei-lăng ih; 'Blep ih hơđơ̆r sư pơma dơnuh.

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Êsai 35:9

Tơ trong noh ưh kơ đei dăm-brang, ưh kơ đei minh pôm sem bri ayơ mă krưp năm rok trong noh; ưh kơ đei bu 'bôh sư tơ noh. Mă-lei lu bơngai mă huai iŏk bơih gô yak năm trong noh.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Je 31:26

Kơplah noh inh hơđơ̆r lăng inh tep hiôk-hian.

Êsêkiên 14:15

Dah Inh ăn lu sem bri năm pơrăm char noh, pơlôch lu bơngai; păng char noh jing juơ, ưh pă đei bu yak rok noh dơ̆ng, yua kơ lu sem bri oei tơ noh.

Êsêkiên 14:17

Dah mă Inh ăn đei tơdrong tơblah hăm char noh păng khan: ‘Athei ăn kơ đe iŏk đao hơlă tơblah lăm char’ păng pơlôch pơrăm đĭ kon bơngai păng lu sem dơrong,

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 34:25

Inh gô pơjing tơdrong pơgơ̆p hiôk-hian hăm lu sư. Inh pơpuh lu sem bri đơ̆ng teh weh tơ nai; lei wă kơ lu sư oei sa hiôk-hian tơ anih bri rơwơ̆ng.

Êsêkiên 34:27

'Long tơ bri brah gô đei plei, teh gô chăt jing đei plei yua. Lu sư gô oei hiôk hơđơ̆ng tơ teh đak lu sư kơdih păng băt kơ Inh boih Kră Yang, kơplah Inh gơ̆ lê̆ 'long ăt đơ̆ng lu sư, pơklaih lu sư đơ̆ng ti lu bơngai rôp lu sư pơm đĭch.

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Hôsia 2:18

Lăm năr noh, Inh pơgơ̆p kon pơlei Inh hăm lu sem bri, lu sem păr păng lu hơdrông kơep mơmŏ kơpal teh Inh kư̆m gô gơ̆ lê̆ đĭ đao gưm, hră đơ̆ng lăm teh đak âu, pơgăn lê̆ lu tơdrong tơblah tơblŭng păng pơm ăn kơ kon pơlei tep pơdơh hiôk-hian.

Hôsia 2:20

Tơpă Inh gô tơ'bôh kơ ih tơdrong tơpăt sĭt, na ih gô băt kơ Kră Yang.

Lêwi 25:18

Thoi noh lu iĕm athei pơm kiơ̆ kơ nơ̆r inh athei, bơwei tơdrong juăt păng rok kiơ̆, thoi noh na lu iĕm gô arih hiôk hơđơ̆ng lăm tơring char iĕm.

Lêwi 25:19

Teh gô chăt lơ plei 'long sa, lu iĕm gô sa phĭ jơnap păng arih hiôk hơđơ̆ng lăm char iĕm.

Lêwi 26:22

Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Lêwi 26:7

Lu iĕm gô druh lu bơngai ayăt kơ lu iĕm, na lu sư gô pơ̆k lôch kơ đao hơlă 'bơ̆t anăp lu iĕm.

Mi 4:4

Rim 'nu gô tơoei ala tơm hơmu sư kơdih păng ala tơm 'long hơra sư, ưh pă đei bu wă pơm kơ lu sư hli tơtăm; yua kơ nơ̆r đơ̆ng 'bơ̆r Kră Yang Tih Hloh khan thoi noh boih.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Hagai 2:9

Tơdrong ư-ang kơ hnam đơ̆ng rŏng âu, gô tih hloh kơ ư-ang hnam adrol ki sơ̆, Kră Yang khan thoi noh păng Inh gô ăn tơdrong rơnŭk rơnua lăm anih 'nâu.’ Kră Yang Tih Hloh khan thoi noh.”

Sa 9:10

Inh gô pơrăm lu gre aseh đơ̆ng Êphraim păng aseh đơ̆ng Jêrusalem; hră mă đe tơblah Inh gô gơ̆ lê̆ păng Sư gô sơkat ăn pŭn hiôk kơ adrĕch kon bơngai; tơdrong mơsêh Sư truh tơ jơ̆p lăm đak dơsĭ âu truh tơ dơsĭ to, đơ̆ng glung tih truh tơ tôch kơ teh đak.

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Jang 12:6

Na truh măng ei tơ lăm hnam phak noh đe oei chô̆ Pêtrôs păng tơlei glang mam 'bar dăng. Sư oei tep đei linh gak, minh 'nu gah 'ma minh 'nu gah 'ngiĕo. Tơ 'măng hnam ei kư̆m đei linh gak mơ̆n. Pơtao Hêrôt athei lu linh gô pơgê dơning tơlĕch sư yua kơ 'bok pơtao wă pơlôch sư boih.

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.