Lêwi 26:25 - Sơ̆p Hlabơar Nơ̆r 'Bok Kei-Dei

²⁵ Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Lêwi 26:25 交叉參考

II Sam 24:15

Na Kră Yang ăn tơdrong jĭ hơbuh jur tơ kon pơlei Isơrael đơ̆ng pơgê năr noh truh tơ tôch jơ Sư pơkă. Đơ̆ng Đan truh tơ Bêrsêba, đei tơpơh-jĭt rơbâu 'nu bơngai lôch.

I Pot 8:33

Tơdah lu bơngai Isơrael. Đei pơm yoch hăm Ih, na lu bơngai ayăt blah iŏk. Tơdah lu sư băt wơ̆t wih tơ Ih dơ̆ng, ư-ang kơ anăn Ih păng krao khan hơdrĭ hăm Ih lăm Hnam akŭm âu,

I Pot 8:37

Mưh lăm dêh char âu đei tơdrong truh pơngot rơwĕt, phang-ang, đei lep kơnu, hơdrông, phơ̆k kơmot sa, lôch hơ'buh dah đei lu ayăt truh wang blah lăm pơlei dêh char anih lu sư, dah đei tơdrong gleh truh jĭ jăn.

II Pot 17:3

Salmaneser, pơtao đe Asiri năm blah pơtao Hôsêa, Hôsêa jing pơtao bơ̆jang kơ Salmaneser păng chu kiơ̆, ra ăn kơ Salmanese jên.

II Ho 24:24

Khŭl linh Siri năm blah lăp tŏ sĕt đĕch ră, mă-lei Kră Yang jao boih lu linh lơ noh lăm ti lu sư, yua kơ lu bơngai Juđa achăng lê̆ Kră Yang 'Bok Kei-Dei 'bok lu sư. Na lu sư rôp sek tơlang Jôas.

Horiso 94:1

Ơ Kră Yang, Ih boih Kră Yang 'Bok Kei-Dei, iung kơting. Ih boih Kră Yang 'Bok Kei-Dei iung kơting. Pơchrang bĕ tơdrong Ih hil mĭl.

Le 5:3

Môis păng Arôn khan: Kră Yang 'Bok Kei-Dei kon pơlei Hêbrơ đei tơ'bôh kơ lu nhôn. Na dang ei apinh ih ăn kơ lu nhôn lĕch năm tơ char glă, ataih dang pêng năr kơ trong, wă pơyơ̆r tơmam soi ăn kơ Kră Yang 'Bok Kei-Dei lu nhôn, dah ưh kơnh hli kơ Kră Yang pơm kơ nhôn lôch hơbuh dah lôch kơ đao,

Êsai 1:20

Mă-lei tơdah lu iĕm ưh kơ chu păng 'maih blơ̆ blĕch Inh, lei đao gưm gô pơrăm lu iĕm;” 'bơ̆r Kră Yang đei pơma bơih.

Êsai 65:12

Na Inh hơgăt ăn kơ lu iĕm lôch kơ đao gưm, păng đĭ-đăng lu iĕm gô kŭp kơ̆l ăn kơ đe pơlôch; Yua kơ Inh krao bơih lu iĕm ưh kơ tơl; Inh đei khan lu iĕm ưh kơ 'maih mơ̆ng, lu iĕm đei pơm bơih tơdrong kơnê̆ 'bơ̆t anăp Inh, păng rơih iŏk tơdrong Inh ưh kơ lăp đon.”

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 50:28

Mơ̆ng bĕ, nơ̆r krao ôr đơ̆ng lu bơngai kơdâu klaih hlôi đơ̆ng dêh char Babilôn, Roi tơbăt lăm pơlei Siôn. Tơdrong Kră Yang, 'Bok Kei-Dei lu bơ̆n, Sư pơm 'mong hnam Sư.

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Je 9:16

Inh gô pơpuh lu sư tơklah tơklang năm tơ jơ̆p-jang kơ adrĕch adrung kon bơngai, mă lu sư dah 'bok yă lu sư tam biơh băt, Inh gô ăn kơ đe druh pơlôch lu sư hăm đao gưm, dĭng Inh pơrăm đĭ lu sư.”

Nhom 2:21

Lu kon hơ'lơ̆p păng lu kră 'bĭch sơ̆k tơ teh rok trong lăm pơlei tih. Lu adruh 'lơ̆p păng tơdăm 'lơ̆p inh pơ̆k lôch kơ đao gưm. Lăm năr Ih hil, Ih pơlôch lu sư boih, Ih pơlôch pă đei mơnat.

Êsêkiên 14:17

Dah mă Inh ăn đei tơdrong tơblah hăm char noh păng khan: ‘Athei ăn kơ đe iŏk đao hơlă tơblah lăm char’ păng pơlôch pơrăm đĭ kon bơngai păng lu sem dơrong,

Êsêkiên 20:37

Inh gô wei lu iĕm chu kiơ̆ ala 'long jra Inh păng Inh gô chông ba lu iĕm mơ̆t lăm tơdrong pơgơ̆p.

Êsêkiên 29:8

Kră Yang khan: Âu, Inh chĕp đao wă phak ih Inh gô pơlôch đĭ bơngai hăm đĭ lu sem dơrong đơ̆ng ih.

Êsêkiên 33:2

Ơ kon bơngai, pơma bĕ kơ lu kon pơlei ih khan kơ lu sư: Mưh Inh ăn đao hơlă truh tơblah minh tŏ char na lu kon pơlei lăm char noh rôp minh 'nu bơngai lăm lu sư, pôk ăn kơ sư jing minh 'nu bơngai gak;

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Êsêkiên 6:3

Păng khan: Ơ lu kông Isơrael, mơ̆ng bĕ nơ̆r Kră Yang Tih Hloh 'nâu nơ̆r Kră Yang Tih Hloh khan kơ lu kông, lu groi, lu thong păng lu thŭng dơnă: Âu, Inh gô iŏk đao hơlă blah lu iĕm păng Inh gô pơrăm anih kơjung lu iĕm.

Hôsia 11:6

Đe gô pơrăm tơ rim pơlei lu sư hăm đao gưm, pơrăm lê̆ 'long chơkăl 'măng jang lu sư, pơlôch lu sư yua kơ tơdrong lu sư chă đon kơnê̆.

Lêwi 26:6

Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Am 4:10

Inh đei ăn boih tơdrong jĭ hơpoh truh tơ lu iĕm, kư̆m thoi inh ăn tơ lăm dêh Êyiptơ. Inh đei yua đao gưm pơlôch lu kon tơdăm iĕm boih păng lu aseh iĕm inh kư̆m puh pơđĭ. Inh đei ăn boih 'bâu ôm đơ̆ng lăm kơđông lu iĕm păr đông tơ muh lu iĕm. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Habakuk 3:5

Tơdrong jĭ hơbuh răm năm adrol kơ Sư, 'Brơ̆m ŭnh lĕch đơ̆ng jơ̆ng Sư.

Jo 14:12

Inh gô ăn kơ kon pơlei âu jĭ lôch hơbuh, Inh gô pơrăm lê̆ dôm tơmam mă lu sư đei, na Inh gô pơjing minh adrĕch lĕch dơ̆ng ih kơdrâ̆m păng pran kơtang hloh kơ lu sư.

Jo 16:49

Đei mơjĭt-puăn rơbâu tơpơh-hrĕng 'nu bơngai lôch yua kơ tơdrong gleh truh 'nâu; ưh kơ jô̆ lu bơngai lôch yua kơ Kôrê.

Jo 31:3

Thoi noh, Môis khan tơbăt ăn kơ kon pơlei thoi âu: Lăm lu iĕm athei hơmet hơlă đao kơtuang năm blah adrĕch Madian wă pơm 'mong ăn kơ Kră Yang.

Luka 21:11

Gô đei teh adrŏ kơtang păng đei tơdrong pơngot rơwĕt păng lôch hơbuh lơ tơring âu tơring to. Iĕm gô 'bôh tơdrong hlĭch hlăch krưp tơpă tơ kơpal plĕnh.

Both 28:21

Kră Yang gô ăn jĭ hơbuh druh kiơ̆ iĕm dĭng Sư pơrăm iĕm lôch hiong đĭ đơ̆ng teh mă iĕm gô mơ̆t iŏk.

Both 32:25

Tơ rok trong tih, đei đao gưm pơlôch lu sư, tơ lăm hnam đei tơdrong hli tơrơ ling-lang Tơdăm, adruh, bơngai kră păng lu kon nge gô lôch răm đĭ.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.

Lu 15:11

Na đei pêng-rơbâu 'nu lu bơngai Juđa jur tơ lăm hơgơp tơmo tơ pơlei Êtam khan kơ Samasơn: Ih ưh kơ băt hă kon pơlei Philistin boih pơgơ̆r lu bơ̆n? Liơ mă ih pơm kơ lu nhôn thoi noh? Sư tơl: Inh pơm 'mong tơwih kơ lu sư thoi lu sư đei pơm kơ inh boih.