7 Năr blŭng-a lu iĕm athei akŭm 'lơ̆ng rơgoh, ưh kơ gơh bơ̆jang kiơ kơ sĕch akar.
Năr blŭng-a, lu iĕm athei đei năr akŭm 'lơ̆ng rơgoh păng truh năr tơpơh lu iĕm gô akŭm lei-lăi mơ̆n. Lăm năr noh ưh gơh jang tơdrong kiơ, lăp gơh pai hơmet tơmam sa ăn kơ rim 'nu sa đĕch.
Lu iĕm athei roi tơ'băt: Tơdrong akŭm tơm năr noh athei đei tơdrong akŭm rơgoh, ưh kơ gơh kơ bơ̆jang tơdrong sĕch akar. Noh jing tơdrong juăt pơkă ling-lang ăn kơ adrĕch adrung lu iĕm, mă tơ anih yơ yơ lu iĕm oei.
Lu iĕm ưh kơ gơh bơ̆jang kơ sĕch akar ôh; iĕm athei pơyơ̆r tơmam soi 'buh hăm ŭnh kơ Kră Yang.
Mă-lei lu iĕm athei pơyơ̆r kơ Kră Yang tơmam soi yua 'buh lăm ŭnh lăm tơpơh năr; truh năr mă tơpơh gô đei tơdrong akŭm kơkuh 'lơ̆ng rơgoh; lu iĕm 'nĕ kơ pơm minh tơdrong jang kiơ kơ sĕch akar ôh.
Lăm năr mônh khei tơpơh, lu iĕm gô đei akŭm hơdai 'lơ̆ng rơgoh; ưh kơ gơh kơ jang minh tơdrong kiơ gah sĕch akar lu iĕm, năr noh năr giĕng hlôm keng.
Lăm năr mơjĭt-pơđăm khei tơpơh lu iĕm athei akŭm tih 'lơ̆ng rơgoh, 'nĕ kơ jang minh tơdrong jang kiơ gah sĕch akar, iĕm athei pơm giĕng bơsŭn kơ Kră Yang lăm tơpơh năr.
