12 lăm năr pơyơ̆r hơchô̆ 'ba, mă ba 'ma 'ngiĕo noh lu iĕm kư̆m athei pơyơ̆r kơ Kră Yang minh pôm kon triu tơ'bưh kơ đêl, ưh kơ đei jĭ kiơ, wă pơm tơmam soi 'buh.
Lu iĕm athei rôp lăm khŭl kon triu dah kon bơbe tơno mă 'lơ̆ng ưh kơ đei rơka rơkĕch kiơ. Tôm minh sơnăm.
Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,
Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.
Năr đơ̆ng rŏng hlôi kơ năr giĕng Sa'bat, 'bok soi gô pơyơ̆r hơchô̆ ba, ba 'ma 'ngiĕo 'bơ̆t anăp Kră Yang, wă kơ tơdrong pơyơ̆r hơchô̆ 'ba noh Kră Yang iŏk;
Păng pơyơ̆r tơmam soi phe 'ba, dang 'bar lăm mơjĭt êpha tơpŭng, b lŭk hrâu hăm đak rơmă ôliwơ pơm tơmam soi soh hăm ŭnh, pơyơ̆r đei 'bâu phu 'lơ̆ng ăn kơ Kră Yang păng pơyơ̆r tơmam huch hai sik plei hơmu, minh lăm puăn hin.c
Tơdrong Sư huai iŏk kăl tơpă, hăm pham Kon Sư Yêsu Krist kơdih hloi; Yêsu Sư thoi lĕ triu mă rơgoh 'lơ̆ng đe wă soi kơ 'Bok Kei-Dei.
