Lêwi 22:13 - Sơ̆p Hlabơar Nơ̆r 'Bok Kei-Dei

¹³ Păng tơdah kon adruh 'bok soi adro, dah klo sư achăng lê̆, ưh kơ đei hơ'lơ̆p ôh, na wih brŏk tơ hnam 'bă sư thoi oei 'lơ̆p sơ̆ lei sư gơh sa tơmam 'bă sư. Mă-lei ưh kơ đei bơngai tơmoi ayơ gơh sa tơmam noh ôh.

Lêwi 22:13 交叉參考

Bl 38:11

Đơ̆ng noh Juđa khan kơ Tamar mŏ mai sư thoi âu: Brŏk bĕ tơ hnam 'bă ih oei adro dĭng dang yơ Sêla kon drŏ-nglo inh hlôh 'mơ̆i. Yua kơ sư đei khan: Lu bơngai lăng hli kơ dơning dơmônh sư kư̆m lôch thoi bre 'nhŏng sư. Thoi noh Tamar brŏk oei tơ hnam 'bă sư.

Esơra 2:63

'Bok pơgơ̆r ưh kơ ăn lu sư sa tơmam rơgoh 'lơ̆ng tôch bơneh wă gô dĭng truh tơ layơ đei 'bok soi yua Urim păng Thumim mă krao apinh Kră Yang 'Bok Kei-Dei. Wă kơ băt lu sư hăm trŏ kơ adrĕch 'bok soi ưh.

Le 12:43

Kră Yang khan kơ Môis păng Arôn: 'Nâu boih tơdrong juăt gah giĕng Năm Brih: Bơngai tơmoi ưh kơ gơh sa giĕng noh ôh.

Le 29:33

Lu sư gô sa lu tơmam soi noh, tơmam pơklaih đơ̆ng tơdrong yoch, păng lu sư đei pôk jing 'bok soi păng 'măn lê̆ lu sư rơgoh; mă-lei lu bơngai nai ưh kơ gơh sa ôh, yua kơ dôm tơmam 'noh tơmam rơgoh.

Êsêkiên 44:8

Lu iĕm ưh kơ hiơ̆k bơ̆jang wei tơmam 'lơ̆ng rơgoh Inh; lu iĕm pôk bơngai nai bơ̆jang tơdrong noh lăm anih 'lơ̆ng rơgoh Inh tơplih kơ lu iĕm.

Lêwi 10:14

Mă-lei sĕch kơtơh mă pơyơ̆r chro 'ma 'ngiĕo păng blu kon sem dơrong mă đei pơyơ̆r hiŏng tơ kơpal, na ih păng lu kon akăn ih athei sa tơ minh anih rơgoh yua kơ đe đei 'măn lê̆ kơ ih păng lu kon drŏ-nglo ih đơ̆ng lu tơmam pơyơ̆r 'blŏk bơnê đơ̆ng kon pơlei Isơrael.

Lêwi 22:10

Minh 'nu bơngai tơmoi ưh kơ gơh sa tơmam rơgoh 'lơ̆ng ôh, bơngai tơmoi chă oei lăm hnam 'bok soi dah bơngai chă jang mưng kơ đe kư̆m ưh kơ gơh sa tơmam rơgoh 'lơ̆ng.

Lêwi 22:12

Tơdah kon adruh 'bok soi chă klo bơngai tơmoi drŏ-kăn noh ưh kơ gơh sa ôh tơmam rơgoh 'lơ̆ng.

Both 24:2

Đơ̆ng rŏng kơ sư lĕch đơ̆ng hnam, klo so sư, oei kơ klo nai dơ̆ng,

I Sam 21:7

Lăm năr noh, đei minh 'nu đĭch đam Sôl oei tơ noh mơ̆n, đe gơ̆t lê̆ sư lăm hnam akŭm 'bơ̆t anăp Kră Yang, anăn sư Đôe bơngai Eđôm, pơgơ̆r lu bơngai wei triu Sôl.