Lêwi 19:10 - Sơ̆p Hlabơar Nơ̆r 'Bok Kei-Dei

¹⁰ Iĕm kư̆m 'nĕ kơ phĕ hơlơ̆k plei hơmu 'bar wơ̆t, kư̆m 'nĕ kơ dônh lu plei hơmu đêl huŏng, iĕm athei lê̆ kơ lu bơngai dơnuh hin păng bơngai tơmoi 'bĭch ngôi dônh. Inh boih Kră Yang lu iĕm.

Lêwi 19:10 交叉參考

Êsai 17:6

Mă-lei kư̆m oei đei 'ba hiơt tơ noh. Thoi kơ đe gơgŭ tơm plei 'long ôliwơ, plei sư kư̆m oei đei 'bar pêng tŏ tơ kơnhŏng wĕch ti, dah mă kư̆m oei puăn pơđăm tŏ plei tơ dơng sư. Kră Yang đe Isơrael khan.

Êsai 24:13

Adrĕch adrung kon bơngai oei kơpal teh âu gô đei thoi noh. Nhen thoi tơm 'long ôliwơ đĭ hơlŭng đơ̆ng đe gơgŭ păng thoi đe chă mok plei hơmu đơ̆ng rŏng kơ bơyan đe phĕ plei.

Je 49:9

Lu bơngai phĕ hơmu truh tơ mir iĕm, hăm trŏ lu sư phĕ oei lê̆ plei tŏ sĕt ưh? Lu bơngai phĕ tơtông kơmăng, hăm trŏ lu sư phĕ tơtông lăp mah kơ lu sư đĕch?

Lêwi 11:44

Yua kơ Inh boih Kră Yang 'Bok Kei-Dei lu iĕm, Inh 'lơ̆ng rơgoh, lu iĕm kư̆m athei oei rơgoh, na gơh rơgoh tơpă. Lu iĕm 'nĕ kơ ăn minh pôm kon sem kiơ mơmŏ kơpal teh mă pơm kơ lu iĕm jing kơnê̆ 'mê̆-'mach.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Lêwi 19:25

Truh lăm sơnăm mă pơđăm lu iĕm gơh sa plei noh, wă kơ plei rai lơ hloh ăn kơ iĕm, inh boih Kră Yang 'Bok Kei-Dei lu iĕm.

Lêwi 19:9

Tơdah lu iĕm kĕch yuă 'ba lăm tơring iĕm, 'nĕ kơ yuă truh tơ tôch mum chŭn. Păng kư̆m 'nĕ kơ chă dônh mok lu ba oei đei.

Lêwi 23:22

Tơdah kĕch yuă 'ba lăm tơring iĕm, 'nĕ kơ yuă kĕch truh tơ mum jih kơ mir păng kư̆m 'nĕ kơ dônh lu 'ba mă huŏng. Athei 'măn lu 'ba noh kơ lu bơngai dơnuh hin păng lu bơngai tơmoi, Inh boih Kră Yang 'Bok Kei-Dei lu iĕm.

Lêwi 25:6

Dôm tơmam sa mă chăt tơ teh lăm sơnăm Sa'bat gô ăn pơm tơmam sa kơ iĕm, ăn kơ đĭch đam drŏ-nglo drŏ-kăn, ăn kơ đĭ-đăng bơngai jang kơ ih păng đĭ-đăng bơngai tơmoi mă oei hăm ih

Ob 1:5

Ô! Tơdrong răm tih gô truh kơ ih. Tơdah lu bơngai truh tơtông, tơgar đơ̆ng kơmăng, hăm trŏ lu sư tơtông iŏk lăp kơ mah đĕch? Tơdah lu bơngai phĕ plei hơmu năm truh tơ ih, hăm trŏ lu sư wơ̆l minh 'bar hơie?

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Both 24:19

Kơplah iĕm yuă 'ba tơ mir chŭn, na hiơt minh hơchô̆ 'ba oei tơ noh, 'nĕ pă năm wơ̆t iŏk dơ̆ng hơchô̆ 'ba noh lê̆ kơ lu bơngai tơmoi, lu bơngai mơti păng lu yă adro, wă kơ Kră Yang 'Bok Kei-Dei iĕm ăn pŭn hiôk kơ iĕm lăm dôm tơdrong jang đơ̆ng iĕm pơm.

Both 24:20

Kơplah iĕm preh plei 'long ôliwơ, 'nĕ kơ preh 'bar wơ̆t hơlơ̆k, noh lê̆ kơ lu bơngai tơmoi, lu bơngai mơti păng lu yă adro.

Both 24:21

Kơplah iĕm phĕ plei hơmu, 'nĕ kơ chă phĕ hơlơ̆k dơ̆ng lu plei oei đei, noh lê̆ kơ lu bơngai tơmoi, lu bơngai mơti păng lu yă adro.

Lu 8:2

Mă-lei Giđêôn khan kơ lu sư: Dôm tơdrong jang inh pơm hăm wă gơh pơting inh hăm lu iĕm? Thoi mă plei hơmu lu bơngai Êphraim chă dônh hăm hloh kơ bơyan phĕ plei hơmu lu bơngai Abiêse?

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.