Le 3:10 - Sơ̆p Hlabơar Nơ̆r 'Bok Kei-Dei

¹⁰ na dang ei, năm bĕ tơ âu, Inh wă wơh ih năm tơ Pharaôn, wă chông tơlĕch kon pơlei Inh, wă khan kon pơlei Isơrael lĕch đơ̆ng dêh Êyiptơ.

Le 3:10 交叉參考

Bl 15:13

Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Bl 15:14

Mă-lei inh gô phak char mă adrĕch adrung ih pơm đĭch noh, đơ̆ng noh, kơplah iĕm lĕch hlôi, lu iĕm gô đei tơmam lơ tơpă.

Horiso 105:26

Sư wơh Môis đĭch đam Sư păng Arôn bơngai mă Sư rơih boih.

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

Le 12:40

Kon pơlei Isơrael oei tơ lăm dêh Êyiptơ đunh đei puăn-hrĕng pêng-jĭt sơnăm.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.

Le 33:12

Môis khan kơ Kră Yang: Ih đei khan bơih kơ inh thoi âu: Ih athei chông ba lu kon pơlei pơla âu năm, mă-lei Ih ưh kơ ăn inh băt ôh bơngai bu Ih wơh năm hơdai păng inh. Ih khan: Inh băt kơ ih, băt anăn ih păng ih đei tơdrong mơnat boih 'bơ̆t anăp Inh!

Le 33:13

Thoi noh dang ei inh krao apinh Ih, tơdah inh đei bơih pŭn hiôk 'bơ̆t anăp Ih, lei inh apinh Ih tơ'bôh ăn kơ inh bĕ trong Ih, wă kơ inh băt kơnăl kơ Ih păng inh đei tơdrong mơnat 'bơ̆t anăp Ih, apinh Ih kư̆m 'blŏk kơ lu adrĕch adrung âu kon pơlei pơla Ih mơ̆n!

Le 6:26

'Nâu boih adrĕch, Arôn păng Môis, wă khan bơngai mă Kră Yang bơtho khan: Athei chông anhăk kon pơlei Isơrael lĕch đơ̆ng dêh Êyiptơ.

Hôsia 12:13

Kră Yang yua minh 'nu 'bok khan lê̆ adrol chông anhăk Isơrael lĕch boih đơ̆ng char Êyiptơ, păng yua minh 'nu 'bok khan lê̆ adrol wei-lăng sư.

Mi 6:4

Inh đei chông anhăk ih lĕch hlôi đơ̆ng teh đak Êyiptơ, huai iŏk ih đơ̆ng pơm đĭch đam păng kư̆m đei wơh Môis Arôn, Miriam yak adrol chông lu iĕm.

Jang 7:34

Inh 'bôh boih tơdrong đe Êyiptơ pơđep lu iĕm mă kon Inh. Inh kơtơ̆ng iĕm nhơ̆m hmoi na dang ei Inh jur wă dŏng mơnat kơ lu iĕm. Iung bĕ, Inh wơh ih năm tơ dêh Êyiptơ.’

Jang 7:36

“Môis anhăk lu đe Isơrael đơ̆ng dêh Êyiptơ. 'Bok Kei-Dei ăn kơ Môis pơm tơdrong mơsêh mơyang tơ dêh Êyiptơ, tơ đak dơsĭ 'brê păng tơ char glă kơplah puăn-jĭt sơnăm.

Jang 7:6

'Bok Kei-Dei pơkă kơ sư thoi âu: ‘Lu kon sâu ih gô oei tơ dêh đe puăn-hrĕng sơnăm, kon sâu ih gô oei tơ ei thoi tơmoi đĕch. Đe gô ayăt kơ lu sư, rôp lu sư pơm đĭch đam.’

Jang 7:7

Mă-lei Inh gô sek tơlang păng phak dêh ei, na lu kon sâu ih gô jăk đơ̆ng dêh ei na oei tơ dêh âu, kơkuh kơ Inh oei tơ dêh âu.

Lu 6:14

Kră Yang wih lăng tơ sư păng khan: Năm bĕ yua hăm jơhngơ̆m pran kơtang ih đei boih năm dŏng pơklaih lu bơngai Isơrael đơ̆ng ti kon pơlei Miđian. Hăm trŏ Inh oei wơh ih năm dah ưh?

I Sam 12:6

Samuel khan kơ kon pơlei pơla: Kră Yang jơ̆ Tơ'ngla rơih Môis păng Arôn, chông ba yă 'bok lu iĕm lĕch đơ̆ng dêh Êyiptơ.

I Sam 12:8

Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.