Le 16:8 - Sơ̆p Hlabơar Nơ̆r 'Bok Kei-Dei

⁸ Môis khan dơ̆ng: Lu iĕm gô 'bôh Kră Yang ăn 'nhĕm sa kơsơ̆ 'nâu, 'bĕng sa pơgê dơning, yua kơ Kră Yang kơtơ̆ng boih nơ̆r lu iĕm hil jŏk kơ Sư. Lu nhôn âu bu? Dôm nơ̆r lu iĕm hil jŏk ưh kơ trŏ kơ hil jŏk kơ lu nhôn ôh, mă tơpă noh iĕm hil jŏk kơ Kră Yang.

Le 16:8 交叉參考

Le 16:12

Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.

Le 16:9

Môis khan kơ Arôn: Khan bĕ kơ đĭ-đăng kon pơlei Isơrael: Năm jê̆ 'bơ̆t anăp Kră Yang, yua kơ Sư kơtơ̆ng boih nơ̆r lu iĕm jŏk hil.

Le 17:2

Thoi noh kon pơlei tơhil hăm Môis khan: Ăn kơ lu nhôn đak nhă bĕ. Môis tơl khan: Liơ mă lu iĕm wă tơhil hăm inh? Liơ lu iĕm wă pơlong lăng Kră Yang lĕ?

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.

Êsai 37:29

Yua kơ tơdrong ih hil iung wă blah Inh, nơ̆r ih pơma tơan kơnê̆ kơtơ̆ng truh tơ đon Inh bơih, na Inh iŏk gŏp tôt lăm muh ih păng iŏk dam pơhơ̆p 'bơ̆r ih, pơm kơ ih brŏk kiơ̆ đêl trong ih năm.

Jo 11:18

Ih athei roi tơbăt ăn kơ kon pơlei thoi âu: Pơgê dơning athei rim 'nu hơmet akâu kơdih mă 'lơ̆ng rơgoh; lei na lu iĕm đei 'nhĕm sa, yua kơ lu iĕm nhơ̆m boih, đon Kră Yang kơtơ̆ng lu iĕm nhơ̆m khan: Bu gô ăn kơ lu nhôn 'nhĕm sa, yua kơ lu nhôn đĭ hiôk boih oei lăm dêh char Êyiptơ, na Kră Yang gô ăn kơ lu iĕm 'nhĕm sa, na lu iĕm gô đei 'nhĕm sa.

Jo 14:27

Oei pă dang yơ dơ̆ng Inh gô mơ̆ng lu tơpôl bơngai kơnê̆ âu jŏk? Inh đei kơtơ̆ng boih lu tơpôl kon pơlei Isơrael jŏk chrih kơ Inh.

Jo 21:7

kon pơlei kơdâu tơkan tơ Môis păng khan: Lu nhôn pơm glăi yoch boih pơma hil plơ̆ kơ Kră Yang păng ih. Krao khan apinh Kră Yang bĕ, wă kơ sư pơm kơ 'bih 'nâu weh tơ nai ataih đơ̆ng lu nhôn. Môis krao khan apinh ăn kơ kon pơlei.

Mathiơ 10:40

“Bu sơng iŏk iĕm, bơngai 'noh dang sơng iŏk Inh; bu sơng iŏk Inh, noh dang sư sơng iŏk 'Bă Inh mă wơh Inh.

Mathiơ 9:4

Yêsu băt kơ lu sư pơma mơmơnh lăm to jô̆ kơ Sư tơdrong 'noh na Sư khan: “Liơ iĕm pơma mơmơnh lăm to, khan Inh pơma kơnê̆?

Luka 10:16

Yêsu khan dơ̆ng kơ lu bơngai pơhrăm păng Sư: “Bơngai bu mơ̆ng iĕm, sư 'noh dang mơ̆ng Inh mơ̆n. Bơngai bu ưh kơ wă mơ̆ng iĕm, sư 'noh kư̆m ưh kơ wă mơ̆ng Inh mơ̆n. Bơngai bu ưh kơ wă mơ̆ng Inh, sư 'noh kư̆m dang ưh kơ wă mơ̆ng 'Bok Kei-Dei mă wơh Inh mơ̆n.”

Yo 13:20

Inh khan kơ iĕm tơpă wă kơ iĕm băt: Bơngai bu sơng iŏk bơngai mă Inh wơh, bơngai 'noh dang sơng iŏk Inh. Bơngai bu sơng iŏk Inh, noh dang sư sơng iŏk 'Bă Inh mă wơh Inh.”

Rom 13:2

Thoi noh tơ̆ng bu ưh kơ chu yom kơ bơngai mă pơgơ̆r bơ̆n, bơngai noh dang sư ưh kơ chu yom kơ 'Bok Kei-Dei, yua kơ lu bơngai noh đơ̆ng 'Bok Kei-Dei ăn pơgơ̆r; na tơ̆ng bu ưh kơ chu, đe rôp phak bơngai noh.

I Kor 10:10

Bơ̆n 'nĕ ơh kơ 'Bok Kei-Dei thoi lu yă 'bok bơ̆n sơ̆; lu sư ơh kơ 'Bok Kei-Dei na 'Bok Kei-Dei pơrăm lu sư, ăn linh jang 'lơ̆ng jur pơlôch.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

I Sam 8:7

Kră Yang tơl Samuel khan: Ih athei pơm kiơ̆ dôm nơ̆r kon pơlei apinh ih; noh ưh kơ sĭ lu sư sơngah kơ ih ôh, noh lu sư sơngah kơ Inh, ưh kơ wă kơ Inh pơm pơtao wei-lăng pơgơ̆r lu sư dơ̆ng.