Le 16:12 - Sơ̆p Hlabơar Nơ̆r 'Bok Kei-Dei

¹² Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.

Le 16:12 交叉參考

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

Horiso 105:40

Lu sư krao apinh, Kră Yang ăn đei Sem wăt truh, Păng 'bĕng sa đơ̆ng plĕnh ăn kơ lu sư sŏng sa phĭ hrăp.

Le 12:6

Đơ̆ng noh lu iĕm rong lê̆ truh năr mơjĭt-puăn khei 'nâu; na đĭ-đăng lu bơngai Isơrael athei rôp ba 'bet pơlôch til kơsơ̆ măng.

Le 16:11

Kră Yang khan kơ Môis:

Le 4:5

Kră Yang khan: 'Noh wă kơ lu sư lui kơ Kră Yang 'Bok Kei-Dei 'bok sư, wă khan Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, đei tơ'bôh boih kơ ih.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Le 7:17

Kră Yang khan: Đơ̆ng tơdrong 'nâu, ih gô băt Inh boih Kră Yang: Na iŏk 'long jra Inh teh tơ đak krong Nil, đak krong gô jing pham.

Je 31:24

Lăm char Juđa păng đĭ-đăng lu pơlei lu sư oei hơdai tơ noh, lu bơngai bơ̆jang mir 'ba hăm lu bơngai wei triu.

Êsêkiên 34:30

Kơplah noh lu sư gô băt inh boih Kră Yang 'Bok Kei-Dei lu sư oei hơdai hăm lu sư, păng lu sư adrĕch adrung Isơrael jing kon pơlei pơla Inh, Kră Yang khan.

Êsêkiên 35:13

Nơ̆r ih pơma pơang blah Inh; păng rai thim nơ̆r blah inh, Inh kơtơ̆ng boih!

Êsêkiên 39:22

Đơ̆ng âu tơ anăp, adrĕch Isơrael gô băt Inh boih Kră Yang 'Bok Kei-Dei lu sư.

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Lêwi 11:44

Yua kơ Inh boih Kră Yang 'Bok Kei-Dei lu iĕm, Inh 'lơ̆ng rơgoh, lu iĕm kư̆m athei oei rơgoh, na gơh rơgoh tơpă. Lu iĕm 'nĕ kơ ăn minh pôm kon sem kiơ mơmŏ kơpal teh mă pơm kơ lu iĕm jing kơnê̆ 'mê̆-'mach.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Jo 11:4

Đei lu bơngai tơmoi oei hơdai hăm kon pơlei Isơrael đei jơhngơ̆m rơhing 'maih wă sa dêh; na pơm kơ kon pơlei Isơrael nhơ̆m apinh hơpơi khan: Rŏ kơ đei 'nhĕm sa dêh?

Jo 14:27

Oei pă dang yơ dơ̆ng Inh gô mơ̆ng lu tơpôl bơngai kơnê̆ âu jŏk? Inh đei kơtơ̆ng boih lu tơpôl kon pơlei Isơrael jŏk chrih kơ Inh.